
Çetîn a îşkenceya bi kûçik lê hatibû kirin nehat berdan

2022-02-17 11:42:44


	&nbsp;

	WAN - Endama Desteya Rêveberiya Herêmî ya Demokratîk a HDP’ê Rojbîn Sevîl Çetîn ku dema hatibû binçavkirin îşkenceya bi kûçik lê hatibû kirin, di danişîna doza derbarê wê de hatibû vekirin de nehat berdan.&nbsp;

	&nbsp;

	Danişîna doza Endama Desteya Rêveberiya Xwecihî ya Demokratîk a HDP’ê û Hevşaredara Artemetanê Rojbîn Sevîl Çetîn a bi îşkenceya kuçikan a polîsan di 26’ê Hezîrana 2020’an de hatibû binçavkirin û girtin li 2’emîn Dadgeha Cezayê Giran a Wanê hat dîtin. Dadgehê dozên bi hêcetên xebatên Tevgera Jinên Azad (TJA) û “endamtiya rêxistinê” li Çetîn hatibûn vekirin, kiribûn yek. Çetîn a girtî ji girtîgeha ku lê tê ragirtin bi SEGBÎS’ê beşdarî danişînê bû.&nbsp;

	&nbsp;

	DANIŞÎN HAT TALOQKIRIN

	&nbsp;

	Di danişîna ku parêzer û malbata Çetîn lê amade bûn de Parlementera HDP’ê ya Wanê Mûazzez Orhan û aktîvîstên TJA’yê beşdar bûn. Çetîn a di danişînê de parastin kir, îfadeyên xwe dubare yên beriya niha dubare kirin, parêzerên wê jî daxwaza berdana wê kirin. Şandeya Dadgehê îdia kir ku şahidê nepen ne amade ye û biryara berdewama girtina Çetîn da.&nbsp;

	&nbsp;

	Dadgehê danişîna Çetîn taloqî 12’ê Gulanê kir.&nbsp;

	&nbsp;