
‘Doza Çapemeniya KCK’ê’ paşve dan

2022-02-22 15:51:17


	&nbsp;

	STENBOL - Danişîna 46 rojnameger û xebatkarên çapemeniyê ku di bin navê “Çapemeniya KCK’ê” de tên darizandin, hate paşvedan.

	&nbsp;

	24’emîn danişîna doza ku ji hêla raya giştî ve weke “Doza Çapemeniya KCK’ê” tê zanîn û 46 rojnameger û xebatkarên çapemeniyê tê de tên darizandin, li 3’yemîn Dadgeha Cezayên Giran a Edliyeya Stenbolê ya li Çaglayanê hat dîtin.&nbsp;

	&nbsp;

	Şandeya dadgehê hatibû guhertin lewma di danişînê de zabitên berê hatin xwendin. Di danişînê de parêzerên hinek kesên dihatin darizandin amade bûn û yên din jî hincet nîşan dan. Dozger, di danişînê de mutalaa xwend û xwest ku aliyên kêm ên di dosyayê de bên temamkirin.&nbsp;

	&nbsp;

	Yek ji kesên di dozê de tê darizandin jî Çagdaş Ulus e. Parêzera Ulus, Mehtap Acar Ulus di danişînê de parastin kir û wiha got: “Delîlên derheqê muwekîlê min de hatine berhevkirin. Xuyaye ku dê di dozê de beraet bike. Tu têkiliya wî bi bersûcên din re nîne. Em dixwazin ku dosyeya me bê cudakirin.”&nbsp;

	&nbsp;

	Şandeya dadgehê jî biryar da ku Îsmet Kayhan bi darê zorê bînin dadgehê û daxwaza radestkirina telefonê ya Ravîn Stêrk Yildiz jî bi hinceta komkirina delîlan red kir. Her wiha daxwaza cudakirina dosyaya Çagdaş Ulus jî hat redkirin.&nbsp;

	Şandeyê, danişîna dozê ji bo 9’ê hezîranê da paş.&nbsp;

	&nbsp;