
Roja hilbijartina parlementoyê ya Herêma Kurdistanê diyar bû

2022-02-24 22:00:57


	&nbsp;

	&nbsp;

	NAVENDA NÛÇEYAN - Dîroka hilbijartinên Parlementoya Herêma Kurdistana Federe diyar bûn. Hat ragihandin ku dê hilbijartin di 1'ê Cotmeha 2022'yan de bê kirin.&nbsp;

	&nbsp;

	Serokê Herêma Kurdistana Federe Nêçirvan Barzanî dîroka hilbijartina heyama şeşmîn a Parlementoya Herêma Kurdistanê ragihand û biryarnameya ji bo hilbijartinê îmze kir. Li gor biryarnameyê dê hilbijartin di 1'ê Cotmeha 2022'yan de bê lidarxistin.&nbsp;

	&nbsp;

	Di biryarnameyê de biryara ji bo dîroka hilbijartinê bi vî awayî hat ragihandin: “Li gor yasaya hejmar 1 a sala 2005, yasaya Serokatiya Herêma Kurdistan-Iraq, roja 01/10/2022 wek roja pêkanîna xula şeşemîn a hilbijartina Parlamentoya Kurdistanê hatiye destnîşankirin.”

	&nbsp;

	Dema hikûmeta heyî ya Herêma Kurdistana Federe dê di 11'ê Hezîrana 2022'yan de bi dawî bibe. Ger alîgir li hev bikin, divê Komîsyona Hilbijartina Bilind û Refarndûmê ya Serbixwe ya Herêma Kurdistana Federe herî kêm 6 meh beriya hilbijartinê dest bi amadekiriyên hilbijartinê bike.&nbsp;

	&nbsp;

	Her wiha hêjayî gotinê ye ku li herêmê hê jî aliyên siyasî di warê guherandina qanûna hilbijartinê de li hev nekirine û biryara ji bo hilbijartinê jî di demeke wisa de hat girtin. PDK, bi vî awayî dixwaze di tûra ewil a hilbijartinê de bi ser bikeve û kotaya kursiyên parlementoyê wekî berê bimîne. Lê belê hêzên siyasî jî doza guherandina qanûna hilbijartinê dikin.&nbsp;

	&nbsp;

	&nbsp;