
Li Bakur û Rojhilatê Suriyeyê starta 8’ê Adarê hat dayîn

2022-02-25 12:01:06


	&nbsp;

	NAVENDA NÛÇEYAN - Li Bakur û Rojhilatê Suriyeyê bi dirûşmeya “Em ê bi hev re şoreşa xwe biparêzin û axa xwe azad bikin” starta 8’ê Adarê hat dayîn.&nbsp;

	&nbsp;

	Li Bakur û Rojhilatê Suriyeyê bernameya têkildarî 8’ê Adarê Roja Jinan a Cîhanê diyar bû. Starta çalakiyên ku di pêşengtiya Platforma Xebatên Hevpar a Rêxistin û Tevgerên Jinan ên Bakur û Rojhilatê Suriyeyê de pêk were li Navenda Çand û Hunera Mihemed Şêxo ya li Qamişloyê bi daxuyaniyekê hat dayîn. Li gorî nûçeya di Nûjinhayê de cih digire wê 8’ê Adara îsal bi dirûşmeya “Em ê bi hev re şoreşa xwe biparêzin û axa xwe azad bikin” were pîrozkirin.&nbsp;

	&nbsp;

	Bernameya ku dê li Bakur û Rojhilatê Suriyeyê heta 10’ê Adarê berdewam bike wiha ye:&nbsp;

	&nbsp;

	“*Wê tevahiyê li Bakur û Rojhilatê Suriyeyê 8’ê Adarê were pîrozkirin.&nbsp;

	&nbsp;

	* Di 1’ê Adarê de wê goristanên şehîdan bên ziyaretkirin, li ser goran find bên pêxistin û li ser navê platformê wê daxuyanî bê dayîn.&nbsp;

	&nbsp;

	* Têkildarî Roja Jinan a Cîhanê wê semînerên taybet bên dayîn.&nbsp;

	&nbsp;

	* Li ser medyaya dîjîtal wê bi herêmî û asta Rojhilata Navîn panelên civakî werin lidarxistin.&nbsp;

	&nbsp;

	* Di 10’ê Adarê de wê gelemperiyê Bakur û Rojhilatê Sûriyeyê hemû rêxistin û tevgerên jinan pirozbahiyê li dar bixin.&nbsp;

	&nbsp;

	* Rêxistin û tevgerên jinan wê li gorî bernameyên xwe hin çalakiyan li dar bixin.”

	&nbsp;