
Parêzerên Gulmez bertek nîşanî ‘îdianameya Googleyê’ dan  

2022-03-02 15:01:17


	&nbsp;

	AMED - Parêzerên Hevseroka DBP’a Amedê Seval Gulmez îdianameya nû ya derbarê miwekîla wan de hatiye amadekirin wek “îdinameya Googleyê” pênase kirin. Di encama darizandinê de Gulmez nehat berdan.&nbsp;

	&nbsp;

	Danişîna doza Hevseroka Rêxistina Partiya Herêmên Demokratîk (DBP) a Bajarê Amedê Seval Gulmez ku bi îdiaya “endama rêxistinê ye” tê darizandin, li 11’emîn Dadgeha Cezayê Giran a Amedê hat lidarxistin. Gulmez di çarçoveya dosyeyê de di 12’ê nîsana 2021’an de hatibû girtin û di 6’ê îlona 2021’an de hatibû berdan. Serdozgeriya Komarê ya Amedê derbarê Gulmez de lêpirsînek nû da destpêkirin û di çarçoveya vê lêpirsînê de di 2’yê sibatê de hatibû girtin.&nbsp;

	&nbsp;

	Gulmez ji Girtîgeha Amedê ya Jinan bi rêya Pergala Deng û Deîmen (SEGBÎS) beşdarî danişînê bû. Parêzer di danişînê de amade bûn û malbata Gulmez û rêveberên DBP’ê dozê şopandin. Serokê Dadgehê diyar kir ku biryar girtiye di çarçoveya lêpirsîna nû de ji ber 17 çalakî û şahiyan derbarê Gulmez de bi sûcdariya “endamtiya rêxistinê” îdianame hatiye amadekirin û dosyeya wê ya berê û vê dosyeyê kiriye yek.&nbsp;

	&nbsp;

	TAWANBARIYA RED KIR&nbsp;

	&nbsp;

	Di çarçoveya dosyeya ku kirin yek de Gulmez parastina xwe kir. Gulmez got ew bi nasnameya xwe siyasetmedariyê beşdarî şahî Û çalakiyan bûye û tawanbariyê li ser xwe red kir û ew di çarçoveya mafê ku Destûra Bingehîn ji bo wê nas dike beşdar bûye.&nbsp;

	&nbsp;

	Gulmez anî ziman ku ji heman tawanbariya ew 6 meh berê hatiye berdan û xwest ew were berdan û biryara beraeta wê bê dayîn.&nbsp;

	&nbsp;

	15 SAL CEZA TÊ XWESTIN

	&nbsp;

	Dozger ango meqamê îdiayê ji bo ew mutalaya nû amade bike xwest girtina Gulmez berdewam bike. Dozger bi îdiaya “endamtiya rêxistinê” derbarê Gulmez de heta 15 salan cezayê hepsê dixwaze.&nbsp;

	&nbsp;

	‘ÎDIANAMEYA GOOGLEYÊ YE’&nbsp;

	&nbsp;

	Parêzerên Gulmez parastina miwekîla xwe kirin û bertek nîşanî îdinameya nû dan û diyar kirin ku sûcdariya ji 17 çalakî û şahiyan pêk tê û îdianameya hatiye amadekirin nayê qebûlkirin û vê îdianameyê wek “îdianameya Googleyê” pênase kirin. Parêzeran xwest miwekîla wan bê berdan û beraetkirin.&nbsp;

	&nbsp;

	DANIŞÎN TALOQÎ 18’Ê GULANÊ BÛ

	&nbsp;

	Piştî parastinan dadgehê navberek kurt da danişînê û pişt re biryar da ku girtina Gulmez dewam bike û ji bo amadekirina mutalaya nû danişînê taloqî 18’ê gulanê kir.&nbsp;

	&nbsp;