
Li 39 girtîgehan herî kêm 7 hezar û 357 binpêkirin hatin tespîtkirin 

2022-03-09 16:03:11


	&nbsp;

	STENBOL - ÎHD’a Stenbolê, “Rapora Binpêkirinên Mafan a Sala 2021’an a Girtîgehên Herêma Marmarayê” eşkere kir û got herî kêm 7 hezar û 357 binpêkirin qewimîne.

	&nbsp;

	Komîsyona Girtîgehan a Komeleya Mafê Mirovan a (ÎHD) a Şaxa Stenbolê li avahiya xwe “Rapora Binpêkirinên Mafan a Sala 2021’an a Girtîgehên Herêma Marmarayê” eşkere kir. Seroka ÎHD’a Stenbolê Gulser Yolerî, parêzer Davût Arslan û rêveberên komeleyê beşdarî civînê bûn. Rapor ji serlêdanên parêzeran, malbatan û girtiyan û her wiha lêgerîna li ser çapemeniyê kirine pêk tê. Gulseren Yolerî û Davût Arslan raporê parve kirin.&nbsp;

	&nbsp;

	LI 39 GIRTÎGEHAN BINPÊKIRINÊN MAFAN&nbsp;

	&nbsp;

	Di raporê de hat diyarkirin ku di salekê de ji 39 girtîgehên cuda 326 serlêdanan ji bo Şaxa ÎHD’a Stenbolê hatine kirin. Girtîgehên ku binpêkirin lê qewimîne wiha ne: Girtîgeha Îmraliyê ya Tîpa F’yê, Girtîgeha Sîlîvriyê, Girtîgeha Tekîrdagê Jimara 1’an û 2’yan Tîap F’yê, Girtîgeha Edîrneyê ya Tîpa F’yê, Girtîgeha Kandirayê ya Tîpa F’yê, Girtîgeha Metrîsa Stenbolê ya Jimara 2’yan a Tîpa T’yê, Girtîgeha Bakirkoyêy a Jinan, Girtîgeha Bandirmaya Balikesîrê Jimara 1’an û 2’yan a Tîpa T’yê, Girtîgeha Gebzeyê ya Jinan, Girtîgeha Bolûyê ya Tîpa F’yê, Girtîgeha Maltepeyê ya Jimara 2’yan û 3’yan a Tîpa L’yê, Girtîgeha Vekirî ya Silîvriyê, Girtîgeha Kepsûta Balikesîrê ya Jimara 1’an a Tîpa L’yê, Girtîgeha Bûrsayê ya Tîpa H’yê, Girtîgeha Kirklarelî ya Tîpa E’yê, Girtîgeha Kocaeliyê Jimara 1’an a Tîpa T’yê û Girtîgeha Umraniyê ya Tîpa E’yê.&nbsp;

	&nbsp;

	JI GIRTÎGEHÊN CUDA JÎ SERLÊDAN HENE&nbsp;

	&nbsp;

	Di rapora ÎHD’ê de hat gotin ku her wiha ji bilî girtîgehên li Herêma Marmarayê lig elek girtîgehên din jî serlêdan ji bo wan hatine kirin û binpêkirinên mafan têde cih girtine.&nbsp;

	&nbsp;

	BINPÊKIRIN HERÎ ZÊDE LI SILÎVRIYÊ NE&nbsp;

	&nbsp;

	Li gorî raporê hejmara serlêdanên ji girtîgehan bo ÎHD’ê hatine kirin wiha ne: Girtîgeha Bakirkoyê 9, Girtîgeha Edîrneyê 13, Girtîgeha Kandirayê 15, Girtîgeha Balikesîrê 18, Girtîgeha Bandirmayê 31, Girtîgeha Tekîrdagê 64, Girtîgeha Silîvriyê 83 û ji girtîgehên din jî 86 binpêkirin. Daneyên binpêkirinên mafan di raporê de cih digirin û tê gotin herî zêde binpêkirin di meha hezîranê de qewimîne.&nbsp;

	&nbsp;

	BI GIŞTÎ 7 HEZAR Û 357 BINPÊKIRIN&nbsp;

	&nbsp;

	Gulseren Yolerî da zanîn ku binpêkirinên mafan ên li girtîgehan her ku diçe zêde û girantir dibin. Yolerî anî ziman ku ji bo balê bikşîne ser van binpêkirinan her sê mehan carekê raporek tê weşandin û got: “Em dibînin ku di her serlêdanek girtiyan de dema wan bêtir bi binpêkirinan derbas dibe. Hejmara binpêkirinên ku hatine kirin 6 hezar û 222 ye û me bi rêya çapemeniyê jî hezar û 135 binpêkirin tespît kirine. Ji van serlêdêran 293 kes zilam nin û 33 serlêdan jî yên jinan in. 275 serlêdan ên girtiyên polîtîk in. 51 serlêdan jî yên girtiyên edlî ne. Di serlêdanan de lêdan, îşkence û muameleya xerab hatine gotin. Mafê tenduristiyê yên girtiyan tê binpêkirin. Her cûre zext û binpêkrinên mafan li ser girtiyan tê kirin. Berdana girtiyên nexweş û girtiyên cezayên wan qediyane tên taloqkirin û astengkirin.”&nbsp;

	&nbsp;