
Ceza li rojnameger Zekîne Turkerî birîn 

2022-03-15 14:24:43


	&nbsp;

	STENBOL - Ji ber retweeta ku li ser hesabê xwe yê medya sanal kiriye salek û 6 meh û 22 roj cezayê girtîgehê li rojnameger Zekiye Turkerî hat birîn.&nbsp;

	&nbsp;

	Beriya niha ji ber parvekirinên li ser medya sanal bi angaşta "propagandaya rêxistinê" derbarê Rojnameger Zekiye Turkerî doz hatibû vekirin. Duyemîn danişîna dozê li 13'emîn Dadgeha Cezaya Giran a Stenbolê hat dîtin. Turkerî û parêzerê xwe Erselan Aktan tevlî danişînê bûn. Di danişînê de Turkerî li dijî mutalaaya dozger ku di danişîna yekemîn de hatibû dayîn derket, sûcdariyên li xwe red kir û daxwaza beraeta xwe kir.&nbsp;

	&nbsp;

	Piştî Turkerî parêzerê wê Aktan jî destnîşan kir ku Turkerî bi salan e rojnamegeriyê dike û parvekirinên mijara gotinê bi armanca agahî dayînê retweet kiriye û daxwaza beraeta muwekîla xwe kir.&nbsp;

	&nbsp;

	Piştî Aktan dozger mutalaaya xwe ya danişîna beriya niha dubare kir. Heyeta dadgehê, piştî parastin û mutalaayê biryara xwe aşkera kir û salek û 6 meh û 22 roj cezayê girtîgehê li Turkerî birî.&nbsp;

	&nbsp;

	Her wiha heyeta dadgehê, bi angaşta ku ji parvekirinan ne poşman e înfazkirina cezayê li Turkerî birî taloq nekir.

	&nbsp;