
Li navçeyên Amedê pîrozbahiyên Newrozê 

2022-03-15 18:51:12


	&nbsp;

	AMED - Li navçeyên Amedê Sûr, Rezan, Pîran û Farqînê Newroz hat pîrozkirin.&nbsp;

	&nbsp;

	Parlementerê Partiya Demokratîk a Gelan (HDP) ê Amedê Îmam Taşçier, rêxistina partiyê ya Amedê û rêxistina partiyê ya Sûrê di çaçroveya xebatên Newrozê de li gundên Qedya Mezin û Simakî yên Sûrê hevdîtin bi gel re kirin. Şande ewilî çû gundê Qedya Mezin û li vir piştî axaftina Taşçier govend hat gerandin û Newroz hat pîrozkirin.&nbsp;

	&nbsp;

	Taşçier, diyar kir ku di Newrozê de divê bên cem hev du û li hemberî zilmê dengê xwe bilind bikin. Taşçier, Newroza 2013'an bibîr xist ku di wê Newrozê de nameya Rêberê PKK'ê Abdullah Ocalan hatibû xwendin û got: "Birêz Ocalan gotibû meseleya girtî divê bi rêya siyasî ûa ştiyê bê çareserkirin. Ji bo azadiya kurdan divê Newroza îsal ji ya 2013'an qelebalixtir be."&nbsp;

	&nbsp;

	FARQÎN

	&nbsp;

	Li 16 gundên navçeya Farqînê Newroz hat pîrozkirin. Rêxistina HDP'ê ya Farqînê di çarçoveya xebatên Newrozê de serdana gundan kirin. Çendî berf dibariya û dinya sar bû jî li gundan agir hat vêxistin û welatiyan li ber stranna govend gerandin û Newroz pîroz kirin. Di pîrozbahiyê de tim dirûşmeyên wekî "Bijî Serok Apo" û "Jin, jiyan, azadî" hatin berzkirin.&nbsp;

	&nbsp;

	PÎRAN

	&nbsp;

	Rêxistina HDP'ê ya Pîranê jî li herêma Têrkanê çû gundê Şêx Selementoyê û belavok belav kirin ji bo Newroza Amedê. Paşê şêniyên gund li meydana gund kom bûn û agirê Newrozê vêxistin. Welatiyan li dor agir govend gerandin.&nbsp;

	&nbsp;

	REZAN

	&nbsp;

	Hevseroka HDP'ê ya Amedê Gulîstan Atasoy, rêxistina HDP'ê ya Rezanê û rêxistina DBP'ê ya Rezanê û Parlementera HDP'ê ya Amedê Remziye Tosûn li kolanêN Erzanê Emek, Sakaryayê û li texma Saglik Ocaxiyê û bazara semtê hevdîtin bi gel û esnafan re kirin. Şandeyê hemû welatî vexwandin Newroza Amedê.&nbsp;