
OHD’a Stenbolê rêveberiya xwe ya nû bijart 

2022-03-19 17:17:23


	&nbsp;

	STENBOL - Rêveberiya OHD’a Stenbolê hat guhertin. Hevseroka OHD’ê Îlknûr Alcan diyar kir ku ew ê li dijî tecrîda li ser Ocalan û girtiyan têbikoşin.&nbsp;

	&nbsp;

	Komeleya Hiqûqnasên Ji Bo Azadiyê (OHD) a Şaxa Stenbolê Kongreya xwe ya Asayî ya 2’yemîn li dar xist. Kongre li Navenda Çandê ya Baroya Stenbolê pêk hat. Parlamenter, rêveber û nûnerên rêxistinên sivîl û gelek parêzer beşdarî kongreyê bûn.

	&nbsp;

	Gelek parêzer di kongreyê de axivîn û behsa têkoşîna parastinê kirin. Peyamên siyasetmedarên girtî Ayla Akat Ata, Selahattîn Demîrtaş, Bekîr Kaya ku ji bo kongreyê şandibûn hatin xwendin.&nbsp;

	&nbsp;

	DÊ LI DIJÎ TECRÎDÊ TÊBIKOŞIN&nbsp;

	&nbsp;

	Hevseroka Giştî ya OHD’ê Îlknûr Alcan di kongreyê de axivî û got parêzer bi gelek zextan re rûbirû dimînin. Alcan destnîşan kir ku dê têkoşîna wan parastinê û xwedî derketina mafê mirovan berdewam bike. Alcan anî ziman ku ew ê li dijî tecrîdkirina Rêberê PKK’ê Abdullah Ocalan û girtiyan û îşkenceya tê kirin dê têkoşîna xwe bidomînin.&nbsp;

	&nbsp;

	Parlamentera HDP’ê Zuleyha Gulum jî axaftinek kurt kir û got ji ber endama OHD’ê ye serbilind e.&nbsp;

	&nbsp;

	Nûnerên rêxistinên sivîl jî axivî û bal kişandin ser têkoşîna OHD’ê û ji rêveberiya nû re serkeftin xwestin.

	&nbsp;&nbsp;

	RÊVEBERIYA NÛ&nbsp;

	&nbsp;

	Hilbijartin bi yek lîsteyê pêk hat û Ayşe Acinikli, Eda Onal, Elîf Taşdogen, Esra Erîn, Gurkan Îsteklî, Vedat Çagirtekîn û Vedat Ece ji bo rêveberiyê hatin bijartin.&nbsp;

	&nbsp;