
Li Peyasê govenda Newrozê

2022-03-19 20:31:42


	&nbsp;

	AMED - Welatiyên bi pêşengiya TJA û MED-DER'ê li hev kom bûn, li dor agirê Newrozê govend gerandin.

	&nbsp;

	Bi pêşengiya Tevgera Jinên Azad (TJA) û Komeleya Lêkolînên Çand û Zimanên Mezopotamyayê (MED-DER) di çarçoveya amadekariyên Newrozê de, li Taxa Mezopotamya ya navçeya navendî Peyas a Amedê agirê Newrozê hat vêxistin. bernameyek pêkanîn. Rêveberên Partiya Herêmên Demokratîk (DBP) a Amedê û rêxistina partiyê ya navçeya Rezanê, rêvebiriya HDP'a Rezanê, rêveberên MED-TUHAD-FED û TUAYDER'ê jî di nav de gelek kes li Taxa Mezopotamyayê li ber avahiya MED-DER'ê li hev kom bûn û agirê Newrozê vêxistin.&nbsp;

	&nbsp;

	Jinan ewilî agirê Newrozê vêxist û paşê li ber def û zirneyê li dora agir govend gerandin. Di dema pîrozbahiyê de tim dirûşmeya "Newroz pîroz be" hat berzkirin û dem bi dem jinan xwe di ser agir re çeng kir.

	&nbsp;

	Bername bi tilîlî û çepikan bi dawî bû.&nbsp;