
Gel diherikin qada Newrozê ya Yenîkapiyê: Ji Ocalan re azadî

2022-03-20 12:42:57


	&nbsp;

	STENBOL - Gel û hêzên demokrasiyê ku diherikin qada Newrozê ya Yenîkapiyê, bi zimanê xwe stranan dibêjin û bi dûrişmeyan cejna Newrozê pîroz dikin. Ji qadê timik dûrişmeya "Bijî Serok Apo" bilind dibe û girse daxwaziya azadiya Rêberê PKK'ê Abdullah Ocalan dike.&nbsp;

	&nbsp;

	Li Stenbolê, bi sed hezaran kes berê xwe dane Qada Yenîkapiyê ku cejna Newrozê bi şîara "Dem dema serkeftinê ye" &nbsp;lê tê pîrozkirin. Di saetên serê sibehê de ji gelek deverên bajar welatî herikîn qadê û çoşa Newrozê bi gerandina govendê dan destpêkirin. Rexmî astengiyên polisan jî welatî bi pankart û flamayên xwe ketin qadê.&nbsp;

	&nbsp;

	BİJÎ NEWROZ

	&nbsp;

	Korteja HDP'ê bi Parlamentera HDP'ê Zuleyha Gulum re bi pankarta "Dem dema serkeftine ye" û dûrişmeyên "Bijî Newroz" , "Bê serok jiyan nabe" ket qada Newrozê. Girseyê dûrişmeya "Em ê bi berxwedanê qezenz bikin" berz kirin û alên Newrozê û HDP'ê hilgirtin. Polisan berstûrkên ku wêneyên Hevserokê Giştî yê berê Selahattîn Demîrtaş li ser wan bûn desteser kirin.&nbsp;

	&nbsp;

	ZIMANÊ KURDÎ ÇI XWEŞ AWAZE

	&nbsp;

	Enstîtuya Lêkolînên Kurdî jî bi pankarta "Zimanê Kurdi çi Xweş Awaze” meşiya qada Newrozê.&nbsp;

	&nbsp;

	HÊZÊN DEMOKRASIYÊ BI PANKARTÊN XWE LI QADÊ NE&nbsp;

	&nbsp;

	Hêzên Yekkirî yên Têkoşînê (BMG) bi pankarta "Banga têkoşîna yekitiyê ye, Newroz pîroz be" û EMEP jî bi pankarta "Em ê bi aştî û demokrasiyê bi hev re qezend bikin, wê gel qezenc bikin" hatin qadê.&nbsp;

	&nbsp;

	JI 7 SALIYAN HETA 70 SALIYAN&nbsp;

	&nbsp;

	Rexmî hewaya sar jî ji 7 saliyan bigire heta 70 saliyan bi sed hezaran kes bi kincên xwe yên herêmî li qada Newrozê hatin gelhev û li ber dev û zirneyan govend gerandin. Jinan bi kincên xwe yên rengîn û benên kesk, sor û zer li serê xwe lefandin û reng dan qada Newrozê. Bi sed hezaran kesên ku li qada Newrozê li hev kom bûn dûrişmeya "Bijî Serok Apo" berz kirin û sirûda çerxa Şoreşê xwendin.&nbsp;

	&nbsp;

	Rêxistina HDK'ê ya Kadikoyê bi keştiyê ket qadê. Bi sedan kesî girseyê bi alên HDP'ê û flamayên kesk, sor û zer û bi dûrişmeya "Bijî HDP" pêşwazî kirin.&nbsp;

	&nbsp;

	Girseya ku qadê têje kiriye dûrişmeyên cuda berz dike û li ber stranên ku tên goin govend digerînin.&nbsp;

	&nbsp;

	&nbsp;