
Li Xarpêtê walîtiyê Newroz qedexe kir!  

2022-03-20 13:40:33


	XARPÊT - Li Xarpêtê tevî qedexeya Walîtiyê jî xelkê govenda azadiyê gerand.

	&nbsp;

	Li bajarê Xarpêtê walîtiyê destûr neda pîrozbahiya Newrozê. Li ser vê yekê welatî li ber avahiya HDP’ê kom bûn û demek dirêj govend gerandin. Rêveberên HDP’ê li ber avahiya xwe daxuyanî dan û gelek welatî tevli bûn. Parlamentera HDP’ê ya Mûşê Gulistan Kiliç Koçyîgît jî beşdarî daxuyaniyê bû. Di daxuyaniyê de pankarta “Ji Kawayê Hesinkar heta Kawayên Hemdem agirê Newrozê venemirî” hat vekirin û dirûşm hatin berzkirin. Hevserokê HDP’a Xarpêtê Alî Yildirim bertek nîşanî qedexekirina pîrozbahiya Newrozê da û got: “Çawa ku Kawayan li dijî zilmkaran li ber xwe de em ê jî li ber xwe bidin. Em qedexeya walîtiyê nas nakin û em ê li dijî qedexeyan têkoşîna xwe bidomînin.”&nbsp;

	&nbsp;

	Parlamenter Gulistan Kiliç Koçyîgît axivî û got: “Hûn kî ne ku Newrozê li me qedexe dikin. Armanca walîtiyê çi ye? Tişta ku walîtiyê û polîsan aciz dike çi ye? Newrzo aştî, azadî û wekhevî û li dijî zilmê derketin e. Îro li Kurdistanê li dijî zilmê agirê vejînê hil dibe. Îro bi milyonan kes li qadan Newroza azadiyê pîroz dikin. Dem dema azadiyê ye.”&nbsp;

	&nbsp;

	Piştî axaftinan welatiyan govend gerand û pişt re dawî li çalakiya xwe anîn.&nbsp;

	&nbsp;

	&nbsp;

	&nbsp;