
Li Îzmîrê çoşa Newrozê ya 10 hezaran  

2022-03-20 13:48:26


	&nbsp;

	ÎZMÎR - Li Îzmîrê, bi deh hezaran kes li Qada Gundogduyê li hev kom bûn û Newrozê bi çoş pîroz dikin.

	&nbsp;

	Li Îzmîrê, pîrozkirina Newrozê ku bi şîara "Dem, dema serkeftinê ye" tê pîrozkirin, bi dûrişmeya "Bijî Serok Apo" û "Em ê bi berxwdanê qezend bikin" dest pê kir. Îzmîrî, di saetên serê sibehê de ji bo ku bikevin Qada Gundogdûyê ji gelek deverên bajar hatin ber du nuqteyên kontrolê û li hev kom bûn. Girse saet di 13.00'an de ke qadê. Partiyên siyasî û sendîka bi pankart û dovîzan bi awaeykî kortej ketin qadê. Jin û ciwan bi kincên xwe yên herêmî tevlî Newrozê bûn û reng dan pîrozbahiyê.&nbsp;

	

	&nbsp;

	JI QADÊ DÛRIŞM BILIND DIBIN

	&nbsp;

	Bi deh hezaran kesên ku li Qada Gundogdûyê li hev kom bûne û daxwaza azadiya Rêberê PKK'ê Abdullah Ocalan dikin, timik dûrişmeyên "Bê Serok jiyan nabe", "Bijî Serok Apo", "Em ê bi berxwdanê qezend bikin", "Silav silav hezar silav li Ocalan" , "Bijî têkoşîna gelan" , "Kurdistan wê ji faşîzmê re bibe goristan" û "Denîz Poyraz nemire" hatin berzkirin.&nbsp;

	&nbsp;

	WÊNEYÊN DENÎZ POYRAZ HATIN HILGIRTIN&nbsp;

	&nbsp;

	Li qadê bi kurdî û tirkî pankarta "Dem dema serkeftinê ye" û "Newroz pîroz be" hatin vekirin. û wêneyên Denîz Poyraz ku li avahiya HDP'ê ya Îzmîrê hatibû kuştin hatin hilgirtin.&nbsp;

	&nbsp;

	WELATÎ GOVEND DIGERÎNIN

	&nbsp;

	Li qadê gel bi çoşeke mezin Newrozê pîroz dike. Girse li ber stanên Hunermend Roşkar govend digerîne.&nbsp;

	&nbsp;

	WÊ AXAFTIN BÊN KIRIN&nbsp;

	&nbsp;

	Wê Hevberdevkê Kongreya Demokratîk a Gelan (HDK) Cengîz Çîçek, Hevseroka Giştî ya Partiya Herêmên Demokratîk (DBP) Salîha Aydenîz, Parlamenterê HDP'ê yê Îzmîrê Mûrat Çepnî û Berdevka Demê ya Partiya Azadiya Civakî (TOP) &nbsp;Julîana Gozen biaxive û hunermend derkevin ser dikê û stranên xwe bibêjin. &nbsp;

	&nbsp;

	&nbsp;