Chomsky ji bo Newrozê peyam şand: Gelê kurd tevî zextan jî bi ser ket  

2022-03-20 15:14:18


	 

	WAN - Fîlozof Noam Chomsky ê ji Newroza Wanê re peyam şand wiha got: “Gelê kurd tevî zext, zor û tundiyê jî biserketin. Ev berxewdan û serkeftina gelê kurd ji bo me dersek e.”

	 

	Zimanzan, dîroknas, filozof û dostê gelê kurd Noam Chomsky ji Newroza Wanê re peyameke bidîmen şand. Chomsky, bi lêv kir ku gelê kurd ji bo azadî û edaletê weke egîdan têkoşiyan û diyar kir ku têkoşîna gelê kurd îlham dide. 

	 

	PEYAMA CHOMSKY

	 

	Peyama Chomsky wisa ye: “Gelê kurd ji bo azadî û edaletê weke egîdan têkoşiyan. Bi zext, zor û tundiyeke zêde re rûbirû man û biserketin. Weke têkoşîna wan serkeftina wan a li dijî van zor û zehmetiyan jî îlham dide. Di vê têkoşînê de ji bo min şanaziyek e ku ez piçekê jî beşdarî vê hewldana awarte bibim. Min di demekî nêzîk de li Zanîngeha Rojava axaftinek kir. Beriya çend salan, ev tişteke ku nedihat xeyalkirin bû. Vê nîşanî me da ku ruhê mirovan tenê xeyal nake, bi ser jî dikeve. Ev berxewdan û serkeftina gelê kurd ji bo me dersek e. Elbet wê berdewama wê jî were û dê ji vê kêmtir nebe. Newroz Pîroz Be!”

	 

	Chomsky, bal kişand ser tecrîda li ser Rêberê PKK’ê Abdûllah Ocalan û wiha got: “Li ser birêz Ocalan tecrîdeke giran heye. Tecrîd bandorê li ser gelê kurd jî dike. Divê ev tecrîd were şikandin.”