
Ji xelkê Dîlokê peyama Newrozê: Em ê Ocalan azad bikin 

2022-03-20 15:57:47


	&nbsp;

	DÎLOK - Bi deh hezaran kes îro li Dîlokê herikîn qada Newrozê. Parlamenterê HDP’ê Mahmût Togrul di pîrozbahiyê de axivî û wiha got: “Em ê tecrîdê bişikînin û rêhevalên xwe azad bikin.”&nbsp;

	&nbsp;

	Newroza Dîlokê bi dirûşma “Dem dema serkeftinê ye” û bi coşeke mezin hate pîrozkirin. Ji 7 salî heta 70 salî bi hezaran kes bi cil û bergên xwe yên kurdî herikîn qada Newrozê ku bi flamayên HDP’ê hatibû xemilandin. Li qada Newrozê pankarta “Ciwan bi ruhê 68’an li her deverê ye” hatibû daliqandin.&nbsp;

	

	&nbsp;

	Ciwan derketin ser daran û dirûşmên “Bijî Serok Apo” û “Girtiyên siyasî rûmeta me ne” berz kirin. Bi dirûşmên ciwanan re coşa girseyê jî zêdetir bû.&nbsp;

	&nbsp;

	Hevserokê HDP’a Dîlokê Avnî Bînîcî girtiyên siyasî yên di zindanan de silav kir û wiha got: “Yên ku ji bo me digotin tune bûne, ew bi xwe tune bûn. Em îro bersiva herî xurt li qadên Newrozê didin wan. Mazlum Dogan digot; ‘Berxwedan jiyan e.’ Em vê baweriyê li ber xwe didin û dê bi ser kevin.”&nbsp;

	&nbsp;

	SILAVA BERXWEDANÊ

	&nbsp;

	Hevseroka HDP’a Dîlokê Ayten Kaya jî bertek nîşanî tundiya li ser jinan da û got ku tu jin êdî naxwaze ji hêla guleyên bav û birayan ve were kuştin. Kaya, axaftina xwe bi dirûşma “Jin, jiyan, azadî” bi dawî kir.&nbsp;

	&nbsp;

	Pinar Sakik (Keça Serokê DEP’ê yê Dîlokê Abdulsamet Sakik ku di 3’yê mijdara 92’yan de hatibû qetilkirin) jî di pîrozbahiyê de axivî û Newroz pîroz kir. Piştî axaftinan, koma erbaneyê ya Dengê Gel derket ser dikê û bi hezaran kes li ber awazên wan xelekên govendê gerandin.&nbsp;

	&nbsp;

	PEYAMA YEKITIYA NETEWEYÎ&nbsp;

	&nbsp;

	Piştî gerandina govendê, endama Meclisa Jinan a HDP’ê Gulcîhan Şîmşek axivî û wiha got: “Dem dema jinan e. Em li qad û zindanan li ber xwe didin. AKP-MHP, kurdan û jinan tune dihesibînin. Lê bersiva herî xurt li qadên Newrozê tê dayîn. Yekitiya neteweyî ya kurdan bo me gelek girîng e.”&nbsp;

	&nbsp;

	Endamê MYK’a SYKP’ê Feyaz Çakmak jî destnîşan kir ku agirê Kawayê Hesinkar îro li her çar aliyên Kurdistanê hatiye vêxistin û xelkê Dîlokê jî xwedî li vîna xwe derketiye.&nbsp;

	&nbsp;

	KOBANÊ NEKET

	&nbsp;

	Di berdewama pîrozbahiyê de parlamenterê HDP’ê yê Dîlokê Mahmût Togrul axivî. Togrul, Abdulsamet Sakik bi bîr anî û got ku serkeftina îro bi saya têkoşîna Sakik û rêhevalên wan e. Togrul, diyar kir ku Kobanê neket û wiha domand: “Vaye Dîlok tê. Arîn Mîrkanan bedena xwe kirin çeper û Kobanê neket. Em li vir dîsa wan lehengan silav dikin.”&nbsp;

	&nbsp;

	Togrul, bi domdarî bal kişand ser doza girtina HDP’ê û got ku cihên Fîrewn û Dehaq lê heyî, her wiha Kawa û Mazlum jî hene û dê li ber xwe bidin. Di berdewamê de Togrul bal kişand ser tecrîdê û wiha dawî li axaftina xwe anî: “Bi polîtîkayên tecrîdê, welêt hatiye tecrîdkirin. Lê divê baş bizanin ku em ê vê tecrîdê têk bibin. Yên ku girtîgeh veguherandine warên mirinê divê baş bizanin ku em ê rêhevalên xwe azad bikin.”

	&nbsp;

	Piştî axatinan, hunermend Mîkaîl Aslan derket ser dikê û stranên xwe gotin. Pîrozbahî bi dirûşm, tililî, çepik û govendan bi dawî bû.&nbsp;

	&nbsp;