
Di Newroza Eskîşehîrê de têkoşîna hevpar derket pêş  

2022-03-20 16:18:22


	&nbsp;

	ESKÎŞEHÎR - Li bajarê Eskîşehîrê tevî hewayê sar jî Newroz bi coşeke mezin hat pîrozkirin. Di pîrozbahiyê de ev peyam derket pêş: “Tecrîda li Îmraliyê, êrişeke li dijî aştiya civakî ye.”

	&nbsp;

	Li Eskîşehîrê bi pêşengiya Hêzên Demokrasiyê ya bajêr bi sedan kes li Daristana Şitlan hatin ba hev û tevî barîna berfê û hewayê sar jî Newroza xwe bo coşeke mezin pîroz kirin. Parlamentera HDP’ê ya Stenbolê Oya Ersoy beşdarî pîrozbahiyê bû û Koma Tersname, Koma Eren û Awazên Aştiyê jî derketin derketin ser dikê û stranên xwe gotin. Di pîrozbahiyê de bal kişandin ser tecrîda li ser Rêberê PKK’ê Abdullah Ocalan, rewşa girtiyên nexweş û têkoşîna hevpar a li dora Tifaqa Demokrasiyê tê birêxistinkirin.&nbsp;

	&nbsp;

	‘BERXWEDANA LI DIJÎ MÊTINGERIYÊ’&nbsp;

	&nbsp;

	Hevseroka HDP’a Eskîşehîrê Şukriye Ercan li qada Newrozê axivî û wiha got: “Newroz, sembola jiyana wekhev û aştiyane ye. Newroz ew roje ku gelên Mezopotamya û Anatoliyayê li dijî Dehaqan dibêjin êdî bes e. Ji Spartakûs heta Rahşan, Zekiye, Mazlum, Denîz, Îbo, Mahîr û Kawayan, roja têkoşîna azadiyê, berxwedana serdestan a li dijî faşîzm û mêtingeriyê ye. Tecrîda li Îmraliyê êdî li hemû girtîgehan berbelav bûye. Welêt, êdî veguheriye girtîgeheke bi tîpa F. Tecrîda li ser Îmraliyê, êrişeke li ser aştiya civakî ye.”&nbsp;

	&nbsp;

	BAL KIŞAND SER TÊKOŞÎNA HEVPAR&nbsp;

	&nbsp;

	Parlamentera HDP’ê Oya Ersoy jî girîngiya Newrozê vegot û bal kişand ser têkoşîna hevpar. Ersoy, da zanîn ku desthilatdariya AKP-MHP’ê li ber têkçûnê ye û diyar kir ku divê li dijî vê rewşa aloz, têkoşîneke hevpar a piralî bê dayîn.&nbsp;

	&nbsp;

	Pîrozbahiya Newrozê bi stran, govend û dirûşman bi dawî bû.&nbsp;

	&nbsp;