
Li quntarên Toros û Amanosan Newroz: Bila qesr baş li van qadan binêre 

2022-03-20 17:51:28


	&nbsp;

	NAVENDA NÛÇEYAN – Li Osmaniye, Antalya û Hatayê bi hezaran kes li dora agirê Newrozê govenda azadiyê gerandin. Di axaftinên hatin kirin de ev peyam hat dayîn: “Bila AKP û MHP baş li van qadan binêrin.”

	&nbsp;

	Li Osmaniye, Antalya û navçeyên Îskenderûn û Dortyolê yên Hatayê bi hezaran kes di Newroza îsal ya bi dirûşmeya “Dema dema serkeftinê ye” hat pîrozkirin de, hatin gel hev.&nbsp;

	&nbsp;

	Di axaftinên pîrozbahiyan hatin kirin de li ser rewşa girtiyên nexweş û tecrîda li ser Rêberê PKK’ê Abdûllah Ocalan hat sekinandin û hat xwestin ku hemû girtiyên nexweş bên berdan. Di axaftinan de ev peyam jî hatin dayîn: “Qesr û AKP û MHP ya ku dixwaze HDP’ê bigire bila baş li van qadan binêre. Em ê bi ser bikevin, em ê wan bi ruhê Newrozê bişînin. Îro gelê kurd li her qadê li ber xwe dide, wê berxwedana xwe bidomîne jî.”

	&nbsp;

	Pîrozbahî bi stranên û govendgerandinê bi dawî bûn.&nbsp;

	&nbsp;

	&nbsp;