Di danişîna rojnamegeran de mutalaa hat dayîn 

2022-03-24 12:59:26


	 

	STENBOL - Di danişîna doza edîtora ETHA'yê Semîha Şahîn û nûçegîhana ETHA'yê Pinar Gayip de dozger mutalaa da û xwest cezayê girtîgehê li her du rojnamegeran bê birîn. 

	 

	Danişîna doza ku bi angaşta "endamtiya rêxistinê" û "propagandaya rêxistinê" li edîtora ETHA'yê Semîha Şahîn û nûçegîhana ETHA'yê Pinar Gayip jî di nav de li 4 kesan hatibû vekirin, li 23'emîn Dadgeha Cezaya Giran a Stenbolê  hat dîtin. Şahîn û Gayip tevlî danişînê nebûn parêzerên wan li danişînê amade bûn. Di danişînê de dozger mutalaaya ku amade kiribû xwend û ji Şahîn û Gayip re cezayê girtîgehê xwest. Parêzerên Şahîn û Gayip li dijî mutalaayê derketin û ji bo parastinê daxwaza dema zêde kirin. Heyeta dadgehê daxwaza parêzeran qebûl kir û danişînê taloqî 26'ê gulanê kir.