
Li ser xeta sînorê Başûr sewqiyeta leşkerî  

2022-04-06 12:03:57


	&nbsp;

	COLEMÊRG - Amadekariyên Tirkiyeyê yên ji bo operasyoneke li dijî Herêma Kurdistanê berdewam dikin. Di vê çarçoveyê de ber bi gelek gundên ser sînorê Başûr ve sewqiyeta leşkerî hate kirin.&nbsp;

	&nbsp;

	Tirkiye ji bo ku li dijî herêmên Avaşîn, Zap û Metînayê operasyoneke nû bide destpêkirin, haziriyan dike. Tê gotin ku operasyon dê bi hevkariya Partiya Demokrat a Kurdistanê (PDK) bê kirin. Di vê çarçoveyê de bi rojane ber bi gundên navçeya Çelê ya Colemêrgê ve sewqiyeta leşkerî tê kirin û li ser xeta sînor leşker û wesayîtên zirxî tên bicihkirin.

	&nbsp;

	LIV Û TEVGERA LEŞKERÎ

	&nbsp;

	Li gorî agahiyan, şevê din li ser xeta sînor liv û tevgereke zêde ya leşkeran hebû. Helîkopterên ku ji gundên Zawîte, Aşûtê û Gêmanê yên Çelê, ji gundê Elemûnê yê Bêşebabê û ji herêma Siwara Kotra ya di navbera Şirnex-Colemêrgê de rabûyîn, ber bi Herêma Kurdistanê ve çûn. Çavkaniyan da zanîn ku leşkerên bi helîkopteran hatine veguhestin, li baregehên leşkerî yên li gundên Bêduhê û Orê yên Başûr hatine bicihkirin.&nbsp;

	&nbsp;

	Liv û tevgera leşkerî ya li herêmê berdewam e.&nbsp;

	&nbsp;