
Mehmet Sevînç bi dirûşman hate definkirin 

2022-04-08 15:15:47


	&nbsp;

	STENBOL - Tevî hemû astengkirinên polîsan jî cenazeyê girtiyê siyasî Mehmet Sevînç bi dirûşmên “Şehîd namirin” hate definkirin.&nbsp;

	&nbsp;

	Girtiyê siyasî Mehmet Sevînç (63) ku li Girtîgeha Tîpa T a Akhîsar a Manîsayê dihat ragirtin, di 3’yê nîsanê de bi rengekî guman xwîn rijiya ser mejiyê wî û rakirin nexweşxaneyê. Sevînç, li nexweşxaneyê jiyana xwe ji dest da. Cenazeyê Sevînç îro li Goristana Balçik a navçeya Gebze ya Kocaeliyê hate definkirin. Di merasîma cenazeyê Sevînç de rêxistinên Partiya Demokratîk a Gelan (HDP) ên navçeyên Darica, Gebze, Tuzla, Çayirova, Kartal û Pendîkê, endam û rêveberên Komeleya Piştevaniya bi Malbatên Girtî û Hikûmxwaran a Marmarayê (MA TUHAY-DER), Federasyona Komeleyên Hiqûq û Piştevaniya bi Malbatên Girtî û Hikûmxwaran a Med (MED TUHAD-FED) û gelek welatî amade bûn.&nbsp;

	

	&nbsp;

	HINCETA ‘DÊ ZIYAN BIGIHE DARAN’&nbsp;

	&nbsp;

	Beriya definkirina cenazeyê Sevînç, polîsan gelek astengî derxistin. Polîsan nehêlan ku cenazeyê Sevînç li Goristana Nene Hatun a li Daricayê bê definkirin. Polîsan îdia kir ku dê ziyan bigihije darên li goristanê û xwestin ku cenaze li Goristana Balçikê bê definkirin. Tevî hemû hewldanên malbatê jî cenaze birin Goristana Balçikê.&nbsp;

	&nbsp;

	GORISTAN DORPÊÇ KIRIN&nbsp;

	&nbsp;

	Beriya anîna cenazeyê Sevînç, polîsan goristan dorpêç kirin, nehiştin rojnameger bikevin goristanê û dîmenan bikêşin.&nbsp;

	&nbsp;

	Tevî astengkirinan jî cenazeyê Sevînç bi girseyî û bi dirûşmên “Şehîd namirin” û “Bijî berxwedana zindanan” hate definkirin.&nbsp;

	&nbsp;

	Malbata Sevînç şîna xwe li Taxa Pîrî Reîs danîn.&nbsp;

	&nbsp;