
Artêşa Tirkiyeyê û komên girêdayî wê li Efrînê 3 sivîl revandin 

2022-04-09 14:27:55


	NAVENDA NÛÇEYAN - Artêşa Tirkiyeyê û komên girêdayî wê li Efrînê 3 welatî revandin. Aqûbeta welatiyan nayê zanîn. &nbsp; &nbsp;

	Binpêkirinên hêzên artêşa Tirkiyeyê û komên girêdayî wê yên li Efrînê bênavber didomin. Li gel binpêkirinên weke koçber kirin, îşkence kirin, kuştin, tunekirina xwezayê, destdirêjî û talankirina mal û milkê gel, her wiha gelek welatî jî tên revandin.&nbsp;

	&nbsp;

	Li gorî nûçeya Ajansa Nûçeyan a Hawarê (ANHA); çavkaniyên ji herêmê diyar kirin ku koma bi navê Feyleq El Şam ku girêdayî Tirkiyeyê ye, welatiyê bi navê Luqman Îbrahîm Hesen ê ji gundê Meydana yê Raco ya Efrînê revandin û birin cihekî nediyar.&nbsp;

	&nbsp;

	Di heman demê de çavkaniyan da zanîn ku dewriyeyeke hevbeş a îstîxbarata Tirkiyeyê û koma bi navê Polîsên Leşkerî jî birayên bi navên Hesen Qere (55) û Hisên Qere (60) ên ji gundê Mosako yê Racoyê bi hinceta ku beşdarî merasîma şervanên YPG/YPJ’ê bûne, girtin.&nbsp;

	&nbsp;