
Li Helebê li dijî ambargoya Şamê meşa girseyî 

2022-04-09 16:48:50


	NAVENDA NÛÇEYAN - Bi hezaran kes kes tevlî meşa ku li taxên Şêxmexsûd û Eşrefiyeyê yên Helebê li dijî ambargoya Şamê hat lidarxistin bûn, ev peyam dan: "Em ê serî ji kesî re netewînin."

	Li taxên Şêxmexsûd û Eşrefiyeyê yên Helebê, bi hezaran kes li dijî ambargoya Şamê meşiyan. Di meşê de pankartên "Ji ambargoya li ser Şêxmezsûd û Eşrefiyê re na" , "Ji siyaseta birçîhiştinê re na" û "Bijî berxwedana gelan" hatin vekirin. Bi hezaran ciwanan re endam û rêveberên rêxistinên sivîl, partiyên siyasî û Hêzên Ewlehiyê yên Navxweyî jî tevlî meşê bûn. Li Şêxmexsûdê meş heta kontrola hikûmeta Şamê ya Cizîrê berdewam kir."&nbsp;

	&nbsp;

	WÊ AMBARGO VAL BÊ DERXISTIN

	&nbsp;

	Endamê Komîteya Rûspiyên Taxa Şêxmexsûdê Elî El Hesen, diyar kir ku ambargo ne nûye û beriya hikûmeta Şamê Tirkiye û komên girêdayî wê ambargo pêk anîne û wiha got: "Bi saya berxwedana gel ambargo beriya çend salan hat şikandin. Wê ferzkirinên hikûmeta Şamê jî vala derkevin. Ev her tax Heleb û keleha wê parastin. Bi saya berxwedana Şêxmeqsûd û Eşrefiyê Heleb neket."

	&nbsp;

	'EM Ê SERÎ NETEWÎNIN'

	&nbsp;

	Di berdewama axaftina xwe de Elî El Hesen, diyar kir ku wê serî ji polîtîkayên hikûmeta Şamê re netewînin û ev tişt anî ziman: "Wê vî gelê berxwedêr serê xwe ji kesî re netewîne û wê xak, maf û destkeftiyên xwe biparêze."

	&nbsp;