
‘Bila ev dar bibe wesîleya azadiya birêz Ocalan’ 

2022-04-11 13:42:12


	RIHA - Meclisa Dayikên Aştiyê ya Rihayê li baxçeyê mala Rêberê PKK’ê Abdullah Ocalan ku lê ji dayik bûye, bi wesîleya rojbûna 73’yemîn dar danî û gotin, “Bila ev dar bibe wesîleya azadiya birêz Ocalan.”&nbsp;

	&nbsp;

	Endamên Meclisa Dayikên Aştiyê ya Rihayê bi wesîleya jidayikbûna Rêberê PKK’ê Abdullah Ocalan a 73’yemîn şitla hinarê çand. Dayikên Aştiyê li baxçeyê mala ku Ocalan lê ji dayik bûye kom bûn. Mehmet Ocalan pêşwazî li mêvanan kir. Parlamentera HDP’ê ya Rihayê Ayşe Surucu û rêveberên HDP’ê jî tevli çandina dara hinarê bûn.&nbsp;

	&nbsp;

	Dayikan li baxçe şitil çand û li çepikan dan û tîlîli kirin. Endama Meclisa Dayikên Aştiyê Hadlê Ogur di çalakiya şitil çandinê de axivî û wiha got: “Me ji bo rojbûna birêz Ocalan li baxçeyê mala wî dar çand. Me dara hinarê çand. Hinar xêr û bereketê tîne. Em dixwazin ev şitil ango dar bibe wesîleya azadiya birêz Ocalan. Dema ku birêz Ocalan azad bû bila fêkiyên vê darê bixwe.”&nbsp;

	&nbsp;

	Jinan çalakiya xwe bi strandina stranan bi dawî kirin.&nbsp;

	&nbsp;

	&nbsp;