
Ev 150 roj in li edaletê digerin: Em ê dev jê bernedin  

2022-04-14 15:40:24


	&nbsp;

	AMED - Çalakiya Nobeta Edaletê ku malbatên girtiyan li Amedê dabû destpêkirin, di roja 150’an de jî berdewam kir. Malbatan diyar kir ku ji bo girtiyên nexweş û yên nayên berdan dê dev ji têkoşîna edaletê bernedin.&nbsp;

	&nbsp;

	Malbatên girtiyan ji bo berdana girtiyên ku cezayê wan xelasbûyî lê nayên berdan û girtiyên nexweş, li Amedê dest bi çalakiya Nobeta Edaletê kiribûn. Çalakiya malbatan di roja 150’an de berdewam kir. Malbatên girtiyan dîsa li pêşiya Edliyeya Amedê hatin ba hev û daxwaza edaletê kirin. Endam û nûnerên TUHAY-DER, TUHAD-FED, OHD, MED-DER, MEBYA-DER, Komeleya Jinan a Rosayê, rêxistinên civaka sivîl û gelek kes beşdarî çalakiyê bûn.&nbsp;

	&nbsp;

	'EM Ê DEV JÊ BERNEDIN’&nbsp;

	&nbsp;

	Ji xizmên girtiyan Nazîme Boltan diyar kir ku ew polîtîkaya zilmê ya li ser girtîgehan tê meşandin qebûl nakin û wiha got: “Bi qasî ku polîtîkaya zext û bêzarkirinê didome, em jî dê dev ji çalakiya xwe bernedin. Em ê li her deverê xwedî li mafên girtiyan derkevin. Ji ber zarokên xwe em ê dev ji lêgerîna xwe ya heq, hiqûq û edaletê bernedin.”&nbsp;

	&nbsp;

	'EV 5 MEH IN EM NOBETÊ DIGIRIN’&nbsp;

	&nbsp;

	Pişitre ji xizmên girtiyan Nûran Aba axivî û da zanîn ku ev 5 me in nobetê digirin. Aba, destnîşan kir ku dilê dayikan dişewite û wiha domand: “Dema cezayê zarokên me xelas bû, bila bên berdan. Jiyan, mafê her kesekî ye. Divê ev pirsgirêk êdî çareser bibe. Destê xwe deynin ser wijdana xwe.”&nbsp;

	&nbsp;

	BANG LI WEZARETA EDALETÊ KIRIN&nbsp;

	&nbsp;

	Her wiha ji xizmên girtiyan Herdem Merwanî jî got ku ev demeke dirêje binpêkirinên li girtîgehê tînin ziman lê hêjta jî ji girtîgehan darbest derdikevin. Merwanî, bi domdarî wiha axivî: “Divê êdî wezareta edaletê û siyasetmedar vê rewşê bibînin. Weke xizmên girtiyan em ditirsin. Hemû kesî xwe li korî, kerrî û laliyê daniye. Ev, rûreşî ye. Hûn nikarin bi vî rûyê reş derkevin nava mirovan.”&nbsp;

	&nbsp;

	Ji çalakvanan Reşahat Ada jî xwest ku girtiyên nexweş di zûtirin dem de werin dermankirin û da zanîn ku dê heta dawiyê jî têkoşîna xwe ya edaletê bidomînin.&nbsp;

	&nbsp;

	Daxuyanî bi dirûşma “Heq, hiqûq, edalet” bi dawî bû.&nbsp;

	&nbsp;