
Êrişa li dijî HDP’a Edeneyê hate protestokirin 

2022-04-17 16:39:22


	&nbsp;

	EDENE - Êrişa li dijî avahiya Rêxistina HDP’ê ya Çukurovayê bi daxuyaniyekê hate protestokirin. Di daxuyaniyê de Hevserokê HDP’a Çukurovayê Ergun Atlig diyar kir ku kî çi dike bila bike lê ew ê dev ji têkoşîna xwe bernedin.&nbsp;

	&nbsp;

	Şevên din hinek kesên ku nasnameya wan nehatiye zanîn êrişî avahiya Rêxistina Partiya Demokratîk a Gelan (HDP) a Çukurovayê kir. Li ser giliyê partiyiyan, polîs hatin cihê bûyerê û lêkolîn kirin. Bi mebesta piştevaniya bi HDP’ê re, pêkhateyên Tevgera Jinên Azad (TJA), endam û rêveberên Partiya Herêmên Demokratîk (DBP), Komeleya Piştgirî û Piştevaniya bi Malbatên Xizmên Xwe Winda Kirine ya Behra Spî (AYKAY-DER), &nbsp;Komeleya Piştgirî û Piştevaniya bi Malbatên Girtî û Hikûmxwaran re ya Behra Spî (AATUHAY-DER), endamên Navenda Çanda Binevş, rêveberên Partiya Azadiya Civakî (TOP) û gelek endamên partiyê li pêşiya avahiya partiyê kom bûn û daxuyanî dan.&nbsp;

	&nbsp;

	Girseyê ji ewil li şûna alayên HDP’ê yên hatine şewitandin, alayên nû hilayîstin û piştre jî daxuyanî dan. Di daxuyaniyê de ji ewil Hevserokê HDP’a Çukurovayê Ergun Atlig axivî û wiha got: “Şevê din saet di navbera 21.00 û 23.00’yan de êrişî avahiya me kirin. Di êrişê de tabelayeka me û alayên partiyê hatin parçekirin. Em vê êrişa kirêt şermezar dikin. Ev êriş, êrişeke faşîstane û tirsonekî ye. Yên ku dixwazin me bi van êrişa têk bibin bila baş pê bizanin ku em ê vê têkoşîna xwe ya rewa bidomînin. Tu zext dê nekarin me têk bibin.”&nbsp;

	&nbsp;

	SEDEMA ÊRIŞÊ DESTHILATDARÎ YE&nbsp;

	&nbsp;

	Her wiha Hevserokê HDP’a Edeneyê Mehmeta Karakiş jî diyar kir ku sedema êrişên li ser partiya wan, encama polîtîkaya qirêjî û zimanê neftetê yê desthilatdariyê ye û wiha bi dawî kir: “Lê weke HDP’iyan em ê bi aram tevbigerin. Her çiqas em li dijî êrişan pir bisebir tevbigerin jî, heke me zêde bidin zorê em jî dê biteqin. Em ê vê bûyerê vekolin. Desthilatdarî neçare ku dev ji vî zimanê xwe yê li dijî HDP’ê berde. Nexwe heke vî zimanî neguherîne, wê demê em ê baş bizanin bê ka faîl kî ye û kî bi wan dide kirin.”&nbsp;

	&nbsp;

	Daxuyanî bi dirûşmên “Li dijî faşîzmê mil bidin milê hev” û “Bila destên dirêjî HDP’ê dibin bişikên” bi dawî bû.&nbsp;

	&nbsp;