
Emîne Şenyaşar cara 16’emîn ji bo îfadeyê birin qereqolê 

2022-04-18 13:55:44


	&nbsp;

	RIHA - Emîne Şenyaşar a di roja 406’emîn de Nobeda Edaletê didomîne bi hêceta “heqaretê” cara 16’emîn ji bo îfadeya wê bê girtin, birin Midûriyeta Polîsan a Rihayê.&nbsp;

	&nbsp;

	Nobeda Edaletê ya Emîne Şenyaşar û kurê wê Ferît Şenyaşar (Malbata Şenyaşar) di roja 406’emîn de li ber Edliyeya Rihayê berdewam dike. Malbat wek her sibehê vê sibehê jî ji navçeya Pirsûsê hat ber edliyê û dest bi nobedê kir.&nbsp;

	&nbsp;

	Ferît Şenyaşar da zanîn ku 406 roj in ji bo edaletê pêk were têdikoşin û got: “Li Nexweşxaneya Dewletê ya Pirsûsê qetlîamek hat kirin. Ji waliyê Rihayê bigire heta Serokkomar her kes vê yekê baş dizane. Di daxuyanî û şahidiya doktorê beşa lezgîn ê nexweşxaneyê de hene ku ka qetlîamek çawa hatiye kirin.”&nbsp;

	&nbsp;

	‘DAYIKA MIN NAXWAZE LI BER EDLIYÊ BIMIRE’&nbsp;

	&nbsp;

	Şenyaşar da zanîn ku dawxaziya wan tenê ew e ku dewleta hiqûqê bê şixûlandin û her çiqas muxalefet dixwaze ku bûyer bê lêkolînkirin lê bi dengê AKP’ê tê redkirin û parlamenterê vê yekê red dikin jî şirîkê zilmê ne. Şenyaşar anî ziman ku dayika wî hevjîn û du zarokên xwe winda kiriye û 406 roj in li ber edliyeyê ye li benda edaletê ye û naxwaze li ber edliyê bimire û xwest êdî ev zilm were bidawîkirin.&nbsp;

	&nbsp;

	LÊPIRSÎNA 16’EMÎN DERBARÊ EMÎNE ŞENYAŞAR DE HAT DESTPÊKIRIN&nbsp;

	&nbsp;

	Li aliyê din kêliya ku Emîne Şenyaşar nobedê didomand ji aliyê polîsan ve hêceta “heqaret” kiriye wê birin Midûriyeta Polîsan a Rihayê ku îfadeya wê bê girtin. Şenyaşar bertek nîşanî polîsan da û got: “Hûn me qereqol bi qereqol digerînin. Biçin îfadeyên kesên ku zarokên min qetil kirine, bigirin. Me rehet berdin.”&nbsp;

	&nbsp;

	Polîsan gefa binçavkirinê li malbatê xwar. Parêzerên malbatê bi polîsan re hevdîtin kirin li ser vê yekê Emîne Şenyaşar cara 16’emîn bi hêceta “heqaret kiriye” birin Midûriyeta Polîsan.&nbsp;

	&nbsp;

	Hat zanîn ku Emîne Şenyaşar wek bertek nexwestiye îfade bide polîsan û gotiye dê îfadeya xwe li dozgeriyê bide. Nehat diyarkirin ku Emîne Şenyaşar “heqaret” li kê kiriye.&nbsp;

	&nbsp;