
‘Ya girîng azadiya gelê me ye’  

2022-04-18 15:04:02


	MÊRSÎN - Celaleddîn Cenap Araci yê 30 sal şûnve ji girtîgehê hat berdan diyar kir ku ya girîng azadiya gel e.&nbsp;

	Celaleddîn Cenap Araci piştî 30 salan ji girtîgehê hat berdan. Araci ji Girtîgeha Bandirmayê derket û çû cem malbata xwe ya li Mêrsînê. Koma ku ji endamên Meclisa Dayikên Aştiyê, rêveberên Komeleya Piştevanî û Alîkariyê ya Malbatên Xizmên xwe Winda Kirine ya Akdenîzê (AKKAY-DER), aktîvîstên TJA’yê, Hevserokên HDP’a Mêrsînê Hoşyar Sariyildiz û Bedriye Kuş, endamên Meclisa Ciwanên HDP’ê pêk dihat serdana Arici kir. Serdan li avahiya Komeleya Alîkariya Malbatên Girtî û Hikumxwaran a Çûkûrovayê (Çukurova TUAY DER) pêk hat.&nbsp;

	&nbsp;

	BAL KIŞAND SER TECRÎDÊ&nbsp;

	&nbsp;

	Rêveberê Çukurova TUAY-DER’ê Ergîn Altuntaş di serdanê de axivî û bal kişand ser binpêkirinên mafan ên li girtîgehan û xwest tecrîda li Îmraliyê û binpêkirinên mafan bi dawî bibin.&nbsp;

	&nbsp;

	Hevserokên HDP’a Mêrsînê Hoşyar Sariyildiz û Bedriye Kuş jî axivîn û bal kişandin ser rewşa girtiyên siyasî û xwestin girtî tavilê bên berdan.&nbsp;

	&nbsp;

	Celaleddîn Cenap Araci jî spasiya mêvanên xwe kir û got: “Ya girîng azadiya gel e. Heta ku gelê me azad nebe, azadiya biyolojîk pir ne girîng e.”&nbsp;

	&nbsp;

	&nbsp;&nbsp;

	&nbsp;