
HDP: Ev şer, şerê dirêjkirina temenê desthilatê ye 

2022-04-18 18:20:24


	&nbsp;

	ENQERE - Desteya Rêvebir a HDP'ê têkildarî operasyona TSK'ê ya li Herêma Kurdistana Federe ku PDK jî di nav de ye daxuyanî da. Di daxuyaniyê de hat gotin: "Ev şer, şerê dirêjkirina temenê desthilatê ye. Kesên bêdeng dimînin, şirîkên vî sûcî ne."&nbsp;

	&nbsp;

	Desteya Rêvebir a Navendî ya Partiya Demokratîk a Gelan (HDP), têkildarî operasyona Hêzên Çekdar ên Tirk (TSK) a li Herêma Kurdistana Federe ku PDK jî daxilî nav bûye, bi awayekî nivîskî daxuyaniyek da. Daxuyanî bi sernavê &nbsp;"Ev şer, şerê dirêjkirina temenê desthilatê ye, kesên bêdeng dimînin, şirîkên vî sûcî ne" hat belavkirin.&nbsp;

	&nbsp;

	Di daxuyaniyê de hat destnîşankirin ku desthilata AKP-MHP'ê ji bo pêşeroja xwe bi xelasê bixe, careke din Tirkiyeyê ber bi karesatekê ve dibe û xwe li polîtîkayên şer digire.&nbsp;

	&nbsp;

	Di daxuyaniyê de hat bilêvkirin ku di êrişên heya niha hatine kirin de sûcine mezin ên şer û yên li hemberî mirovahiyê hatine kirin û li ser mirina sivîlan, valakirin û şewitandina gundan û rûxandina ekolojiyê hat sekinandin.&nbsp;

	&nbsp;

	Di berdewamiya daxuyaniyê de hat destnîşankirin ku ev şer şerê îqbal û bekayê yê AKP-MHP'ê ye û ev tişt hatin gotin: "AKP, hem li hundir, hem jî li derve şer gur dike, sûdê ji şer digire û qûtê xwe ji krîzên insanî digire. Ev yek bi vî şerî re careke din derket holê. Êrişa duh dest pê kir, îfşakirina dîplomasiya aştiyê ya sixte ya desthilatê ye."&nbsp;

	&nbsp;

	Hat bilêvkirin ku yên ji bo şerê li Ûkraynayê dengê xwe bilind dikin, divê li hember vê operasyona eskerî ya li heêberî xaka Rêvebiriya Kurdistana Federe jî bêdeng nebin û berbayî lîstikên rejîma yekzilamî yên nekevin. Her wiha hat destnîşankirin ku Rêvebiriya Herêma Kurdistana Federe jî divê nebe parçeyek van êrişên tên wateya înkarkirina wan û daxwazên gelê kurd ên ji bo azadiyê neke qurbana hewldanên dagirkeriyê.&nbsp;

	&nbsp;

	Di dawiya daxuyaniyê de bang li her kesî hat kirin ku têkoşîna li dijî şer bê bilindkirin û wiha hat gotin: "Tifaqa li dijî şer, tifaqa herî lezgîn û jiyanî ye û jehrkujiya faşîzmê ye. Ên doza aştiyê dikin jî divê bi qasî kesên şer dikin wêrek bin û bi dengekî bilind pêşî li ber vê karesatê bigirin."&nbsp;