
Hevserokê Giştî yê ÎHD’ê Turkdogan beraet bû  

2022-04-19 15:47:48


	ENQERE - Hevserokê Giştî yê ÎHD’ê Ozturk Turkdogan ê ku bi îdiaya “endamtiya rêxistinê” dihat darizandin, ji ber têrnekirina delîlan hat beraetkirin.&nbsp;

	&nbsp;

	Hevserokê Giştî yê Komeleya Mafê Mirovan (ÎHD) Ozturk Turkdogan bi îdiaya “endamtiya rêxistinê” doz lê hatibû vekirin. Danişîna duyemîn a dozê li Dadgeha Cezayê Giran a Enqereyê ya 19’emîn hat lidarxistin. Gelek siyasetmedar û hiqûnqas û nûnerên rêxistinên sivîl tevli danişînê bûn û piştgiriya Turkdogan kirin.&nbsp;

	&nbsp;

	Danişînê bi tespîta nasnameyê dest pê kir. Dozger di mutalaya xwe de diyar kir ku delîlên derbarê Turkdgoan de têr nakin û tiştek ku wî bike endamtiya rêxistinê wek sûc nehatiye dîtin û xwest Turkdogan bê beraetkirin.&nbsp;

	&nbsp;

	Turkdogan û parêzerên xwe parastina xwe kirin û bal kişandin ser xebatên mafê mirovan.&nbsp;

	&nbsp;

	Dadgehê navber da danişînê. Heyeta dadgehê pişt re biryara xwe eşkere kir û ji ber têrnekirina delîlan derbarê Turkdogan de biryara beraetê da.&nbsp;

	&nbsp;