
Di doza malbata Diril de Apro Diril dîsa hat girtin  

2022-04-19 16:24:54


	&nbsp;

	ŞIRNEX - Di danişîna ewil a doza windakirina Hurmuz û Şimoni Diril ên hevjînên hev de bersûc Apro Diril ê berê hatibû berdan, dîsa hatin girtin.&nbsp;

	&nbsp;

	Hurmuz û Şimoni Diril ên hevjînên hev di 11’ê çileya 2020’yan de li gundê Mehrê ya bi ser navçeya Elkê ya Şirnexê ve hatibûn windakirin. Danişîna ewil a doza windakirina malbata Dîrîl ku Apro Diril wek bersûc tê darizandin li Dadgeha Cezayê Giran a Şirnexê ya 1’emîn hat lidarxistin.&nbsp;

	&nbsp;

	Zarokên malbatê, parêzerên malbatê li eywana danişînê amade bûn. Bersûc Apro Diril jî ji Edliyeya Qilebanê bi rêya SEGBÎS’ê tevli danişînê bûn.&nbsp;

	&nbsp;

	Parlamenterên HDP’ê yên Şirnexê Huseyîn Kaçmaz û Hasan Ozguneş û gelek parêzer kes dozê şopandin.&nbsp;

	&nbsp;

	POLÎSAN NÛÇEGIHANÊ ME ASTENG KIR&nbsp;

	&nbsp;

	Polîsan ji nûçegihanê me re astengî derxist ku dozê bişopîne lê destûra nûçegihanên medya alîgir dan.&nbsp;

	&nbsp;

	XWESTIN APRO BÊ GIRTIN&nbsp;

	&nbsp;

	Danişînê bi tespîta nasnameyê dest pê kir. Apro Diril îfadeya xwe da. Diril îdiayên li ser xwe red kir. Cemîle Kas a ku dayik û bavê wê hatin windakirin axivî û xwest bersûc Apro Diril bê cezakirin.&nbsp;

	&nbsp;

	Eleonora Diril jî xwest anî ziman ku dayik û bavê wê her tim gotine Apro gef li wan dixwe û xwest Apro were girtin. Emîne Diril jî anî ziman ku ew dixwazin faîl bên cezakirin.&nbsp;

	&nbsp;

	Şahidên bûyerê jî axivîn û diyar kirin ku Hurmuz ji wan re gotiye ku Apro her tim gefa kuştinê li wan dixwe.&nbsp;

	&nbsp;

	BIRYARA GIRTINÊ HAT DAYÎN&nbsp;

	&nbsp;

	Şandeya dadgehê biryara xwe eşkere kir û biryar da ku Apro Diril bê girtin û ji bo temamkirina kêmasiyên di dosyeyêde danişînê taloqî 16’ê hezîranê kir.&nbsp;

	&nbsp;

	&nbsp;