
Malbatên girtiyan astengkirina polîsan şermezar kirin

2022-04-20 14:22:33


	&nbsp;

	WAN - Polîsan daxuyaniya malbatên girtiyan ku xwest di çarçoveya Nobeta Edaletê de li pêş ATK’ya Wanê bide asteng kirin. Malbatan bi çepikan dorpêça polîsan şermezar kirin.&nbsp;

	&nbsp;

	Malbatên girtiyan ên Nobeta Edaletê ya li Wanê veguhestin derve, xwestin li pêş Saziya Tiba Edlî (ATK) ya Wanê ku di nava kampusa Zanîngeha Yuzuncu Yil a Wanê de ye daxuyaniyê bidin lê polîsan asteng kirin. Polîsan beriya daxuyaniyê bi polîsên hêzên çevîk û wesayitên TOMA’yan li pêş avahiya ATK’ê dorpêç kirin. Polîsan li pêş avahiya ATK’ê pêşî li koma ji Parlamentera HDP’ê ya Wanê Mûazzez Orhan, Meclîsa Dayikên Aştiyê, TUHAY-DER’a Wanê, rêveberên HDP’ê û DBP’ê, Şaxên OHD’ê û ÎHD’ê yên Wanê û nûnerên TÎHV’ê pêk dihat girt.&nbsp;

	&nbsp;

	Polîsên ku qedexeya Walitiya Wanê weke hincet nîşandan, destûr neda ku kom li pêş avahiya ATK’ê daxuyaniyê bide. Piştî ku di nava polîs û komê de nêzî nîv saetê hevdîtin pêk hat, kom bi çepikan ji herêmê veqetiya. Polîsên ku nehiştin rojnamevan nêzî komê bibin, destûr neda ku dîmenan jî bigirin.&nbsp;

	&nbsp;