
Ji ÎHD’ê rapora girtîgehan: Divê kontrola serbixwe bê kirin   

2022-04-26 17:01:42


	&nbsp;

	ENQERE - ÎHD’a Enqereyê rapora derbarê Girtîgehên Herêma Anatoliya Navîn de eşkere kir û diyar kir ku binpêkirinên mafan bi awayek sistematîk berdewam dike û divê li dijî vê mekanîzmayên kontrolkirina serbixwe ya navnetewî bê avakirin.&nbsp;

	&nbsp;

	Komeleya Mafê Mirovan (ÎHD) a Şaxa Enqereyê rapora binpêkirina mafan a çile, sibat û adara 2022’yan a li Girtîgehên Herêma Anatoliya Navîn bi civînek çapeniyê eşkere kir. Civîn li avahiya ÎHD’ê pêk hat û rêveberên Komîsyona Girtîgehan a ÎHD’a Enqereyê beşdar bûn. Endama Desteya Rêveberiya Navendî ya ÎHD’ê Nûray Çevîrmen rapor xwend.&nbsp;

	&nbsp;

	Çevîrmen diyar kir ku serlêdanên ji bo Komîsyona wan, hevdîtina parêzeran a bo girtîgehan, nameyên ku girtiyan şandiye ÎHD’ê û hevdîtina malbatan di raporê de cih digire û ji van girtîgehên Herêmê Anatoliya Navîn 79 serlêdan û ji girtîgehên din jî 7 serlêdan bi giştî 86 serlêdan hatine kirin.&nbsp;

	&nbsp;

	Çevîrmen di raporê de diyar kir ku 20 girtî bi binpêkirina mafê tenduristiyê re rûbirû mane û li tevahiya girtîgehên Tirkiyeyê di sê mehên dawî de 17 girtiyan canê xwe ji dest daye.&nbsp;

	&nbsp;

	BALAÇ DI ROJIYA MIRINÊ DE YE&nbsp;

	&nbsp;

	Çevîrmen di raporê de bal kişand ser rojiya mirinê ya Sîbel Balaç a li Girtîgeha Sîncanê û mafê tenduristiya girtiyan û li girtîgehên Anatoliyê jî 40 girtî mafê tenduristiya wan hatiye binpêkirin. Çevîrmen destnîşan kir ku binpêkirinên mafan bi awayek sistematîk berdewam dike û divê li dijî vê mekanîzmayên kontrolkirina serbixwe ya navnetewî bê avakirin.&nbsp;

	&nbsp;

	Çevirmen di berdewamiyê de cih da hurgiliyên raporê.&nbsp;

	&nbsp;