Jin wê ji bo Peymana Stenbolê sibê li Enqereyê bin 

2022-04-27 14:35:43


	 

	STENBOL - EŞÎK’ê diyar kir ku ew ê ji bo Peymana Stenbolê sibê li Enqereyê bi zêdeyî hezar parêzerên jin ên ji 73 baroyan re kom bin û ji bo danişîna ku dê sibê Şûraya Dewletê were dîtin banga xwedî derketinê kir. 

	 

	Platforma Jinan a Ji bo Wekheviyê (EŞÎK) têkildarî doza bi daxwaza rawestandina birêvebirinê û betalkirina biryara vekişîna ji Peymana Stenbolê sibê li 10’emîn Daîreya Şûraya Dewletê were dîtin, daxuyaniyeke nivîskî da. 

	 

	EŞÎK’ê diyar kir ku ew ê li Enqereyê bi zêdeyî hezar parêzerên jin ên ji 73 baroyan re ji bo ji bêhiqûqiyê re bêjin na kom bin û bang li hemû jin, rêxistinên jinan û LGBTÎ+’yan, baroyan, rêxistinên ked û pîşeyî û partiyên siyasî hemû kesên jiyaneke bêtundî û wekhev dixwazin kirin ku xwedî li hiqûq û Peymana Stenbolê derkevin.