
Malbatên girtiyan di xwarina fitarê de civiyan

2022-04-27 21:27:38


	&nbsp;

	RIHA - Rêxistina HDP'a Pirsûsê ji bo malbatên girtiyan ên li Pirsûsê xwarina fitarê da.&nbsp;

	&nbsp;

	Rêxistina Partiya Demokratîk a Gelan (HDP) a Navçeya Pirsûsa Rihay3e bi armanca piştevaniya bi malbatên girtiyan ên li Pirsûsê re li eywanek dawetê xwarina fitarê da. Malbatên girtiyan û Parlamenterê HDP'ê yê Rihayê Omer Ocalan, Hevserokê HDP'a Rihayê Ziya Çalişkan û rêveberên HDP'ê û gelek kes tev li bernameya fitarê bûn.&nbsp;

	&nbsp;

	YEKITIYA NETEWEYÎ&nbsp;

	&nbsp;

	Parlamenter Omer Ocalan axivî û bi bîr xist ku îşev şeva Leyletul Qedir e û bi wesîleya vê şeva bi xêr aramî û aştiyê ji bo Kurdistanê dixwazin. Ocalan destnîşan kir li ser Kurdistanê û kurdan êrişên giran hene û ew hêvî dikin ku dê kurd bi ruhê yekitiya neteweyî li ber van êrişan rabin. Ocalan ji bo tevahiya girtiyan azadî xwest.&nbsp;

	&nbsp;

	Ocalan destnîşan kir ku ew ê ji bo yekitiya neteweyî têbikoşin û divê kurd bi tifaqek xurt rabin.&nbsp;

	&nbsp;

	Piştî fitirînê bername bi dawî bû.&nbsp;