
Li Colemêrgê 11 leşker hatin kuştin, gundî tên koçkirin 

2022-04-30 13:20:58


	&nbsp;

	COLEMÊRG - Hate diyarkirin ku di şerê li ser xeta sînor a Colemêrgê berdewam dike de 11 leşkeran jiyana xwe ji dest dane û li gundên li ser xeta sînor ji bilî mirovên pîr her kes ji gundan hatiye derxistin.&nbsp;

	&nbsp;

	Êrişên dewleta tirk ên bi hevkariya PDK’ê li Herêma Kurdistanê dane destpêkirin didomin. Piştî van êrişan li ser xeta sînor jî şer û pevçûn zêde bûn. Liv û tevgera eskerî ya zêde ya li ser xeta Colemêrg û navçeyên wê yên Gever û Çelê didome. Hate hînbûn ku di rojên dawî de 11 cenazeyên leşkeran anîne Nexweşxaneya Dewletê ya Geverê. Hate diyarkirin ku li ser xeta sînor sewqiyateke zêde ya leşkerî û sivîl tê kirin.&nbsp;

	&nbsp;

	GUND TÊN VALAKIRIN

	&nbsp;

	Ji ber ku şer û pevçûn dewam dikin, gundên li ser sînor hewl tê dayîn ku bên valakirin. Gundê Marînos ê li nêzî Çiyayê Kato yê Colemêrgê ku 4 rojan şer lê berdewam kir, bi valakirinê re rû bi rû ye. Hate diyarkirin ku piştî pevçûnan hemû ciwanên li gundê Marînosê dijiyan ji gund hatine şandin û di heman demê de şivanên ku li nifûsa gund neqeydkirî jî ji gund hatine derxistin.&nbsp;

	&nbsp;

	NAHELIN KES BIKEVE GUND

	&nbsp;

	Li gorî agahiyên hatin bidestxistin li gund tenê çend mirovên pîr mane, gelek birên pez bêşivan mane û gundiyên ji bo wergirtina pez diçin gund nahêlin biçin. Hate diyarkirin ku eskerên ku hemû ketin û derketinên gund girtine herêm weke “Herêma Ewlehî ya Eskerî” ragihandine.

	&nbsp;