
Piştî 4 mehan cenazeyê 'kolber' Barzan Mihanî hat dîtin  

2022-05-07 19:11:21


	&nbsp;

	COLEMÊRG - Li herêma Binarê ya Şemzîzanê 3 "kolberên" ji Rojhilata Kurdistanê winda bûbûn. Piştî 4 mehan cenazeyê "kolber" Barzan Mihanî hat dîtin û hat ragihandin ku ji bo cenazeyên her du "kolberên" din jî lêgerîn didome.&nbsp;

	&nbsp;

	Beriya niha bi 4 mehan, di 19'ê Çileya 2022'yan de, li herêma Binarê ya Şemzînan a Colemêrgê "kolber" Esed Seydanîferd, Behlul Seydanîferd û Barzan Mihanî winda bûbûn. Hat ragihandin ku îro cenazeyê Barzan Mihanî yê ji gundê Bawanê yê Mêrgever a Urmiyeyê hatiye dîtin. Cenaze ji aliyê şêniyên mezrika Gelêşmê ya gundê Garê yê navçeya Şemzînanê ve hatiye dîtin.&nbsp;

	&nbsp;

	GUNDIYAN CENAZEYÊ MIHANÎ DÎT

	&nbsp;

	Çavkaniyên herêmî ragihandin ku cenaze ji aliyê gundiyên ku çûne pincarê ve hatiye dîtin û haya eskerên tirk pê hatiye xistin. Bi hatina eskeran re, esker û şêniyên gundê Garê çûne cihê ku cenaze lê hatiye dîtin û gundiyan ji bo otopsiyê cenaze dane eskeran. Hat diyarkirin ku bi dîtina cenazeyê Mihanî re gelek şêniyên Bawanê jî hatine ber sînor û ji bo cenazeyên din dest bi lêgerînê kirine.&nbsp;

	&nbsp;

	Hat ragihandin ku ji ber ku tarî ketiye erdê lêgerîn bi dawî bûye û dê sibê tevî AFAD, îdareya taybet a bajarê Colemêrgê û UMKE lêgerîn bidome.&nbsp;