
Polîsan êrişî merasîma cenazeyê Aysel Dogan kir 

2022-05-14 14:29:59


	DÊRSIM - Li Dêrsimê polîsan êriş bir ser merasîma cenazeyê siyasetmedara kurd Aysel Dogan. Girseyê dest bi çalakiya rûniştinê kir.&nbsp;

	Siyasetmedara kurd Aysel Dogan di 11’ê gulanê de li bajarê Kolnê ya Elmanyayê dihat tedawîkirin, jiyana xwe ji dest dabû. Cenazeyê Dogan, ji Kolnê anîn Amedê û ji vir bi rêya bejahiyê ber bi warê wê Dêrsimê ve hat rêkirin. Hevseroka Giştî ya DBP’ê Salîha Aydenîz, Hevberdevka HDP’ê Ebrû Gunay, Parlamenterê HDP’ê yê Dêrsîmê Alîcan Onlu, aktîvîstên TJA’yê û malbata Dogan û gelek kes tev li mrasîma cenaze bû.&nbsp;

	&nbsp;

	

	&nbsp;

	Xelkê Dêrsimê li ser Pira Seyîdlî ya li navçeya Mazgêrdê cenaze pêşwazî kir. Cenaze li her nokteyên polîs û leşkeran hat sekinandin.

	&nbsp;

	Piştî pêşwazîkirinê girseyê xwest cenazeyê Dogan ji bo bê veşartin bibin mala wê ya li taxa Gazik a navenda Dêrsimê. Karwanê cneaze di ketina taxa Turişmek de ji aliyê polîsan ve hat rawestandin. Polîsan destûr neda ku cenaze bibin taxa Gazikê. Di navbera girseyê û polîsan de nîqaş derket. Polîsan mudaxileyî girseya merasîmê kirin. Rageşiya merasîmê berdewam dike. Li ser vê êrişa polîsan girseyê jî li ser rê dest bi çalakiya rûniştinê kir.&nbsp;

	&nbsp;

	&nbsp;

	&nbsp;