
Farqînê Serê Gulanê pîroz kir  

2022-05-14 18:49:58


	&nbsp;

	AMED– Li Farqînê "Cejna Serê Gulanê" bi coşeke mezin hat pîrozkirin.&nbsp;

	&nbsp;

	Li navçeya Farqîn a Amedê îsal jî Cejna Serê Gulanê ku bi sedan sal in tê pîrozkirin, bi coşeke mezin hat pîrozkirin. Serê Gulanê ku li gor salnameya hicrî di 1'ê Gulanê de û li gor ya miladî di 14'ê Gulanê de tê pîrozkirin, îsal li Gaza Zêvetirkê, Bêzwan, Malabadê, Parka Aram Tîgran û Parka Kaniya Navîn bi coşeke mezin hat pîrozkirin.&nbsp;

	&nbsp;

	Welatiyên ku serê sibehê zû berê xwe dan qada şahiyê, ewilî ji bo zarokên xwe hêlekan çêkirin. Paşê welatiyan dest bi çêkirina xwarinê û dolmeyên tirş kirin. Farqîniyan dolmeyên tirş ên çêkirin li welatiyên hatin cihê şahiyê belav kirin. Paşê li ber erbaneyê û kilamên kurdî govend hat gerandin.&nbsp;

	&nbsp;

	Rêxistinên Partiya Demokratîk a Gelan (HDP) û Partiya Herêmên Demokratîk (DBP) ên Farqînê jî hatin cihê şahiyê û Cejna Serê Salê ya girseyê pîroz kirin. Her wiha rêxistinên navçeyê ji bo meşa ziman ku dê sibê li Amedê bê lidarxistin belavok belav kirin.&nbsp;

	&nbsp;

	Şahiya Serê Gulanê bi govendgerandinê bi dawî bû.&nbsp;