
Li Qileban, Pasûr û Liceyê bagera tozê rabû 

2022-05-23 11:02:03


	&nbsp;

	ŞIRNEX/AMED - Bagera tozê ku ji başûrê Kurdistanê ber bi bakurê Kurdistanê ve hat, li navçeya Qilebanê bandoreke neyînî li ser jiyana welatiyan kir. Her wiha li Pasûr û Lice yên Amedê jî bagera tozê rabû.&nbsp;

	&nbsp;

	Bagera ku di saetên serê sibehê de ji Herêma Federal a Kurdistanê ber bi bakurê Kurdistanê ve hat, bandoreke neyînî li ser jiyana şêniyên navçeya Qileban a Şirnexê kir. Ji ber hewayî bi toz, mesafeya dîtinê heta 100 mîtroyan jî ketiye. Ji ber bagerê welatiyan nekarî derkevin derve.&nbsp;

	&nbsp;

	Pispor, dibêjin ku bi taybet kesên nexweşiyên wan ên kronîk hene û kesên temen mezin divê di hewayên wiha de dernekevin derve.&nbsp;

	&nbsp;

	AMED &nbsp;

	&nbsp;

	Di heman demê de li navçeyên Pasûr û Lice yên Amedê jî ji serê sibehê ve bagera tozê rabûye û bandoreke nebaş li ser jiyana welatiyan dike. Ji ber bagera tozê, bi taybet jî li navend û gundên Pasûr û Liceyê ewrên pir mezin ên ji tozê çêbûn. Ji ber ku hewayê bitoz, mesafeya dîtinê kêm bûye.&nbsp;

	&nbsp;

	

	&nbsp;

	Bandora bagerê berdewam e.&nbsp;

	&nbsp;