
Li Lice û Pasûrê operasyona leşkerî: Cilên şivanan li cerdevanan kirin  

2022-05-23 14:27:52


	&nbsp;

	AMED - Li çoltarên navçeyên Lice û Pasûrê bi beşdariya cerdevanan operasyon hate destpêkirin. Hat zanîn ku leşkeran cil û bergên şivanan li cerdevanan kirine, li pêşiya operasyonê bi kar tînin û fotokapanan li herêmê bi cih dikin.

	&nbsp;

	Li herêmên çiyayî yên navçeyên Pasûr û Lice yên Amedê operasyonên leşkerî hatin lidarxistin. Li gorî agahiyên ji çavkaniyên herêmê, operasyon bi taybet jî li gundên Hêzmaz, Bana Dêra, Girêdadim, Bamitne, Reşan, Geliyê Zêre û Beşîşt ên Liceyê tê kirin. Hat zanîn ku leşker di operasyonê de cerdevanan didin pêşiya xwe û bi komên biçûk vê operasyona xwe didomînin.&nbsp;

	&nbsp;

	FOTOKAPAN HATIN BICIHKIRIN

	&nbsp;

	Çavkaniyan, daxuyand ku di operasyona li Pasûrê de jî cerdevan li pêşiya operasyonê tên bikaranîn û cil û bergên şivanan li cerdevanan hatine kirin. Her wiha çavkaniyan got ku leşker bi wesayîtên sivîlan çûne çoltarê Pasûrê û li gelek noqteyên herêmên çiyayî jî fotokapan bi cih kirine.&nbsp;

	&nbsp;