Cenazeya endama YJA-STAR’ê Kiliçoglu piştî 9 mehan hat veşartin  

2022-05-23 16:15:24


	COLEMÊRG -  Cenazeyê endamê YJA-STAR’ê Zana Kiliçoglu ku 9 meh beriya niha di şer de jiyana xwe dest dabû, li goristana Bajêrgeh a navçeya Geverê hat veşartin. 

	 

	Di 5'ê tebaxa 2021'an de li gundê Tiloran ê navçeya Geverê Colemêrgê di navbera endamên HPG û Artêşa Tirk de şer derketibû û endama YJA-STAR’ê Zana Kiliçoglu (Zana Vejîn Gever) jiyana xwe dest da. Cenazeya Kiliçoglu piştî 9 mehan di bin dorpêça polisan de ji goristana bêkesan ya Colemêrgê hat derxistin û radestî malbatê we hat kirin. Şaredariya Colemêrga ku ji aliyê qeyûm ve tê birêvebirin wesayîta cenaze neda malbatê ku cenazeyê keça xwe bibe Geverê. Li ser vê malbatê cenaze bi derfetên xwe anî Gever. 

	 

	POLISAN GORISTANÊ DORPÊÇ KIR

	 

	Malbatê xwest cenazeyê keça xwe li goristana taxa Ormanê veşêre, lê Midûriyeta Polisan a Geverê bi hinceta ku "nikarin ewlehiyê bigirin" destûr neda ku malbata cenaze li vê goristanê biveşêre. Li ser astengiya polisan malbatê cenazeyê Kiliçoglu bir li goristana Bajêrgeheyê ya li ser rêya Nexweşxaneya Devletê ya Geverê veşart. Polisan dora goristanê dorpêç kir û desûr nedan kesên ku hatibûn merasîma cenaze derbasî goristanê bibin. Polisan tenê destûr da ku malbata kiliçoglu tev li merasîma veşartina cenazeyê keça  xwe bibe.

	 

	Her wiha polîsan destûr neda ku rojnameger jî li goristanê dimên û wêneyan bikişînin.  

	 

	'SERÊ MIN BILIND E'

	 

	Dayika Kiliçoglu Gulsum Kiliçoglu, piştî veşartina keça xwe bertek nîşanî dorpêça polisan da û ev tişt got: "Ez nagirîm, serê min bilind e." Gulsum Kiliçoglu, ji bo polîsan jî got: Bicihimin ji vir herin. Hûn kê ditirsînin. Ev der axa şehîd Zana ye. Zana jî şehîdê vê axê ye. Her zarokek min wek Zana ye û wê zarokên min hemû jî bibin Zana."

	 

	 Malbatê şîna xwe li taxa Cumhuriyetê danî û sersaxiyan qebul bike.