
Navê Cemal Gursel ê ku kurdan înkar dikir li kolanek Cizîrê kirin 

2022-05-25 10:38:30


	ŞIRNEX - Qeyûmê Cizîrê navê darbekar Cemal Gursel ê ku kurdan înkar dikir li kolaneka navçeyê kir.&nbsp;

	Qeyûmên ku lez dane asîmîlekirina kurdan, li aliyekî jî serî li rêbazên ku kurdan provoke bikin didin. Qeyûmê Cizîrê navê darbekar Cemal Gursel ê ku kurdan înkar dikir li kolanek navçeyê kir. Gursel 45 salan wezîfeya leşkeriyêk iriye û serkêşê darbeya leşkerî ya 27’ê Gulana 1960’an bûye û “Komîteya Yekitiya Neteweyî” ava kiriye. Bi darbeyê re bû Serokkomar û li kolanên Enqereyê pankartên “Tufî rûyê kesên bêjin ez kurd im bikin! Serokkomar Cemal Gursel” daliqandibûn. Gursel piştî darbe pêk aniye çûbû Amedê û xelkê re gotibû, “Tufî yên ku ji were bêje kurd bikin!”&nbsp;

	&nbsp;

	‘BI NAVÊ KURD NIJADEK NÎNE’&nbsp;

	&nbsp;

	Vî darbekarî di pêşgotina pirtûkekî de wiha gotiye, “Li cîhanê bi navê kurd nijadek tune ye. Kurd ne hemwelatî ne, kurd hemnijadên me ne.”&nbsp;

	&nbsp;

	Qeyûm ku navên wek Meleyê Cizîrî, Ehmedê Xanê û gelek kesayetên girîng tarûmar kir û di şûna navê wan de tabelayên tirkî daliqand, bi taybetî bi armanca provokekirina kurdan van navên nijadperest li kolan, meydan, cade û deveran dikin.&nbsp;

	&nbsp;