AYM'ê Tûglûk mafdar dît

2022-05-25 11:48:26


	 

	ENQERE - AYM'ê biryar da ku "mafê meş û civînê" yê girtiya nexweş siyasetmedara Aysel Tûglûk hatiye binpêkirin û 13 hezar û 500 TL tazmînata menewî jê re bê razandin. 

	 

	Dadgeha Destûra Bingehîn (AYM), di serlêdana girtiya nexweş siyasetmedara Aysel Tûglûk de biryara binpêkirinê da. Ji ber ku di 8'ê cotmeha 2010'an de li navçeya Nisêbîn a Mêrdînê tev li civîneke ku ji aliyê Kongreya Civaka Demokratîk (KCD) bûbû, doz li Tûglûk hatibû vekirin û di dozê de derbarê wê de biryara taloqkirina peyketinê û ji bo 3 salan kontrola edlî hatibû dayîn. Parêzerên Tûglûk, vê biryarê li 2'yemîn Dadgeha Cezaya Giran a Mêrdînê îtîraz kiribûn û dadgehê îtîrazê red kiribû. Li ser vê parêzeran serî li AYM'ê dabû. 

	 

	AYM'ê serlêdanê qebûl kir û diyar kir ku bi biryara taloqkirina peyketinê û kontrola edlî ya ji bo 3 salan a derbarê Tûglûk de "mafê wê yê azadiya ramanê, civîn û meşê" hatiye binpêkirin. AYM'ê her wiha biryar da ku Tûglûk ji nÛ ve bê darizanin û 13 hezar û 500 TL tazmînata menewî jê re bê razandin. 

	 

	AYM'ê beriya çend rojan serlêdana Tûglûk ku ji bo girtina wê ya duyemîn di doza Kobanê de hatibû kirin bêyî "di esasê de lêkolîn" bike red kiribû. 

	 

	Parêzera Tûglûk Reyhan Yalçindag, biryara ku hatiye dayîn nirxand û ev tişt got: "Di serlêdanên biesas de biryara redê didin û di mijarê hêsan de jî biryara binpêkirinê didin û dixwazin çav girê bidin."