
Li Zapê 12 leşker hatin kuştin 

2022-05-25 15:26:26


	NAVENDA NÛÇEYAN - Hat destnîşankirin ku li herêma Zapê ya başûrê Kurdistanê 12 leşker hatine kuştin.&nbsp;

	Êrişên Tirkiyeyê yên bi hevkariya PDK'ê li dijî herêmên bi ser axa başûrê Kurdistanê ve bi dijwarî berdewam dikin. Li herêmê şerê giran rû dide û gelek leşker tên kuştin. Kuştina leşkeran bi awayek eşkere nayê ragihandin û kuştina leşkeran tê veşartin an jî kêm tê eşkerekirin. Balkêş e ku agahiya leşkerên tên kuştin dema ku Wezîrê Parastinê yê Tirkyeyê Hulusî Akar li ser xeta sînor bû hat parvekirin. Wezareta Parastinê duh daxuyand ku 5 leşker ji ber şer hatine kuştin.&nbsp;

	&nbsp;

	Li gor agahiyên di Ajansa Nûçeyan a Firatê (ANF) de li devera Çiyareşê ya Zapê şer derketiye û 12 leşker di vî şerê de hatine kuştin. Dîsa di 24'ê gulanê de li herêman Kurojahroyê de şer derketibû û di vî şerî de jî gelek leşker hatibûn kuştin. Ji ber vê kuştina leşkeran Wezîrê Parastinê Akar û çend erkdarên fermandariyê bi hev re ji bo serdana leşkeran çûn ser sînor.&nbsp;

	&nbsp;