
Li Semsûrê 3 kes hatin girtin û li Êlihê jî 5 kes hatin berdan 

2022-05-26 16:32:16


	ÊLIH / SEMSÛR - Li Êlihê 5 kesên ku hatibûn binçavkirin, hatin berdan û li Semsûrê jî 3 kes hatin girtin.

	&nbsp;

	Serdozgeriya Komarê ya Êlihê, lêpirsîneke dabû destpêkirin û di çarçoveya lêpirsînê de di 23'ê gulanê de li Êlihê 5 kes hatibûn binçavkirin. Her pênç kesên ku hatibûn binçavkirin, îro piştî li Fermandariya Cendirmeyan a Bajar a Êlihê îfadeyên wan hatin girtin, bi sûcdariya "piştgiriya rêxistinê" sewqî dadgehê hatin kirin. Li dadgehê her pênç kes jî bi şertê kontrola edlî hatin berdan. &nbsp;

	&nbsp;

	SEMSÛR

	&nbsp;

	Serdozgeriya Komarê ya Semsûrê jî lêpirsînek daye destpêkirin û di çarçoveya lêpirsînê de polisan di 24'ê gulanê de li taxa Tolmaz a navenda Semsûrê polisan bi ser malan de girtine û welatî Hasan Sungu û Alî Erturk binçav kirine. Di çarçoveya heman lêpirsînê de li gundê Xaçowa yê navçeya Battalgazî ya Meletî jî cendirmeya bi ser mala Riza Çîçek de girtiye û ew binçav kirine. Her sê kes jî piştî îfadeyên xwe yên li Fermandariya Cendirmeyan a Bajar a Semsûrê sewqî dadgehê hatin kirin û bi sûcdariya "endamtiya rêxistinê" hatin girtin.&nbsp;

	&nbsp;