Bafil Talebanî: Heke em bibin yek kes nikare li hemberî me bisekine   

2022-05-28 13:56:27


	 

	SILÊMANÎ - Serokê Giştî Yekitiya Nîştimaniya Kurdistanê (YNK) Bafil Talebanî diyar kir ku wê li her çar parçeyên Kurdistanê alîkariya her kurdekê bikin û dema kurd bibin yek kes nikare li pêşiya wan bisekine. 

	 

	Li Silêmaniyê îro hevdîtina giştî ya Yekitiya Nîştimaniya Kurdistanê (YNK) pêk hat. Di roja yekem a hevdîtinê de, Bafil Talebanî weke Serokê YNK’ê hate pênasekirin.

	 

	'EM ALÎKARIYA HEMÛ KURDAN BIKIN' 

	 

	Serokê Giştî yê YNK'ê Bafil Talebanî di civata giştî de axivî û bal kişande ser siyaseta YNK’ê ya li beramberî parçeyên din ên Kurdistanê û got: “Em ê alîkariya hemû kurdan bikin û li her çar parçeyên Kurdistanê em amadene alîkariya birayên xwe bikin. Divê ji hişmendiya kevin derkevin. Em xwedî 45 milyon welatî ne, kurd in. Heke kurd yek bin dikarin ji hemû welatan re bêjin na û em dosten xwe bi cih nahêlin ku pêwîstiya wan bi me hebe, dibin alîkar. YNK pêveka ti hizb, aliyek û welatekê nîne. Heke em bibin yek, kes nikare li hember me bisekin e. Êdî ezbenî, ezbenî ji bo ti kesê nake.”

	 

	Bafil Talebanî bal kişande ser lihevkirina YNK û PDK’ê û got: “Lihevkirina PDK’ê ya li gel çend aliyên Bexda qîmeta kaxeza di destê min de nîne.”

	 

	Bafil têkildarî dosya neft û gazê jî wiha axivî: “Ji siyaseta nefta Herêma Kurdistanê nerazîne. Divê çêbikin. Naxwazin gaza Kurdistanê mîna neftê bi ser de were. Em ne li dijî şandina gazê ya ji bo Ewropa ne. Lê, divê dahata gazê di sûda xelkê Kurdistanê de be. Siyasetek dirûst û şefaf hebe.”