Di topbarana Tirkiyeyê de li Eyn Îsayê sivîlek birîndar bû

2022-05-29 12:28:23


	 

	NAVENDA NÛÇEYAN - Tirkiyeyê gundê Mielek ê Eyn Îsayê topbaran kir. Di encama topbaranê de welatiyek birîndar bû.  

	 

	Artêşa Tirkiyeyê û komên girêdayî wê rojavayê navçeya Eyn Îsa ya Bakur û Rojhilatê Sûriyeyê topbaran kirin. Hat zanîn ku di encama topbarana li dijî gundê Mielek ê Eyn Îsayê de welatiyê bi navê Fadî Xalawî birîndar bû.  

	 

	Hat ragihandin ku topbarana Tirkiye û komên paramîlîter ên girêdayî wê ya li ser navçeya Eyn Îsayê berdewam e.