
Doza Komkujiya Pirsûsê dest pê kir  

2022-06-01 12:04:43


	&nbsp;

	RIHA – Duyemîn danişîna Doza Komkujiya Pirsûsê bi daxwaza mudaxilbûna dozê ya partiyên siyasî û rêxistinên girseyî yên demokratîk dest pê kir.&nbsp;

	&nbsp;

	Di 20’ê tîrmeha sala 2015’an de DAIŞ’ê li dijî kesên ji bo birina pêlîstokan hatibûn Pirsûs a Rihayê û li Navenda Çandê ya Amarayê kom bûbûn, êrişeke xwekujiyê pêk anî. Di encama êrişê de 33 ciwan hatibûn qetilkirin. Têkildarî êrişê, doz hatibû vekirin û bersûcên firarî Denîz Buyukçelebî û Îlhamî Balî dihatin darizandin. Duyemîn danişîna dozê li 5’emîn Dadgeha Cezayên Giran a Rihayê dest pê kir.&nbsp;

	&nbsp;

	Danişîn, li Kampûsa Girtîgeha Hewagê tê dîtin. Endamên Înîsiyatîfa Malbatên Pirsûsê, kesên bi birîndarî ji komkujiyê xelas bûyîn, parêzerên Platforma ji bo Pirsûsê Edalet, parlamenterên Partiya Demokratîk a Gelan (HDP) ên Rihayê Ayşe Surucu û Nûsrettîn Maçîn, parlamenterê Partiya Gel a Komarê (CHP) Azîz Aydinlik, Hevserokê Federasyona Komeleyên Ciwanên Sosyalîst (SGDF) Okan Danaci, Hevseroka Partiya Sosyalîst a Bindestan (ESP) Ozlem Gumuştaş, Komeleya Hiqûqnasên ji bo Azadiyê (OHD), Komeleya Mafên Mirovan (ÎHD), Platformên Şaxên KESK’ê yên Riha û Amedê, Lijneya Koordînasyona TMMOB’ê ya Rihayê, Faaliyeta Xwendekaran, Odeya Bijîşkan a Rihayê, nûnerên partiyên siyasî û gelek kes di danişînê de amade bûn.&nbsp;

	&nbsp;

	Danişîna ewil a dozê di 18’ê sibatê de li Edliyeya Rihayê hatibû dîtin û daxwaza mudaxilbûna dozê ya ESP û SGDF’ê hatibû qebûlkirin. Danişîn, bi tespîtkirina nasnameyan dest pê kir. Piştre jî nûnerên ku bi ser navên KESK, TMOOB, Baroya Rihayê, OHD, ÎHD, TÎP, EMEP, DBP û HDP’ê beşdarî danişînê bûyîn xwestin ku mudaxilî dozê bibin.

	&nbsp;

	Danişîn, bi axaftinên beşdaran berdewam in.&nbsp;

	&nbsp;