
Polîsan ekîpmanên rojnamevanan û şirketên produksiyonê desteser kirin 

2022-06-10 13:28:15


	&nbsp;

	AMED - Li Amedê di serdegirtina malên rojnamevanan û şirketên produksiyonan de bi dehan computer, hard disk û kamera hatin desteserkirin.&nbsp;

	&nbsp;

	Li Amedê di çarçoveya lêpirsîna Serdozgeriya Komarê ya Amedê daye destpêkirin de di 8’ê hezîranê de 20 jê rojnamevan 21 kes di serdegirtinên malan de hatin binçavkirin. Rojnamevan 3 roj in li Midûriyeta Polîsan a Amedê tên ragirtin. Polîsan di heman demê de li gel malên rojnamevanan bi ser Produksiyona Pel, Produksiyona Piya, Produksiyona Arî û ajansa JINNEWS’ê yên li Amedê de girtin. Di serdegirtinana de gelek kelûpelên rojnamevanan hatin desteserkirin.&nbsp;

	&nbsp;

	GELEK KELÛPEL HATIN DESTESERKIRIN&nbsp;

	&nbsp;

	Di serdegirtina JINNEWS’ê de polîsan dest danî ser 5 harddisk, 2 Laptop, computerek montajê, 4 kartên kamera û wênegirê, 2 flash disk.&nbsp;

	&nbsp;

	Di serdegirtina Produksiyona Pelê de jî 2 harddisk, laptopek, kamereyk, ewraqên fermî yên şîrketê û peymana kar hatin desteserkirin.&nbsp;

	&nbsp;

	POLÎS LI BER AVAHIYÊN PRODUKSIYONAN TÊN SEKINANDIN&nbsp;

	&nbsp;

	Di serdegirtina produksiyonên Piya û Arî de jî bi dehan computer, harddisk, laptop û kelûpelên rojnamevaniyê hatin desteserkirin. Lê belê derbarê hejmara destserkirina kelûpelan de tu agahî nehatin bidestxistin. Hê jî polîs li ber deriyên her du produksiyonan tên sekinandin.&nbsp;

	&nbsp;

	&nbsp;