
Wê di Doza Tahîr Elçî de Davûtoglû bê guhdarkirin 

2022-06-15 16:04:55


	&nbsp;

	AMED - 10'emîn Dadgeha Cezaya Giran a Amedê, biryar da ku serokwezîrê dema kuştina Tahîr Elçî Ahmet Davûtoglû bê guhdarkirin.&nbsp;

	&nbsp;

	Di danişîna doza cinayeta Tahîr Elçî Elçî de derbarê daxwaza parêzeran de biryara navberê da. Dadgehê, biryar da ku ji ATK'ê re muzakere bê nivîsandin û jê bê pirsîn ku çima 12 saniyeyê dîmenê dema cinayeta Elçî hatiye windakirin. Biryar hat dayîn ku li benda bersivên muzakeryên ku hatine nivîsandin û nehatine bersivandin bê sekinandin. Dadgehê, daxwaza parêzeran a ji bo guhdarkirina endamên îstixbaratê yên li cihê bûyerê û li şûna SEGBÎS'ê polisên bersûc li dadgehê bên amadekirin, red kir.&nbsp;

	&nbsp;

	Dadgehê, daxwaza parêzeran a guhdarîkirina serokwezîrê demê Ahmet Davûtoglû ku beriya niha red kiribû jî qebûl kir û biryar da ku ji bo ku weke şahid bê guhdarkirin navnîşana Davûtoglû bê tespîtkirin û jê re agahdarname bê şandin.&nbsp;

	&nbsp;

	Dadgehê danişînê taloqî 13'ê mijdarê kir.&nbsp;

	&nbsp;

	&nbsp;

	&nbsp;

	&nbsp;

	&nbsp;